Háskólinn á Akureyri

Bókasafn Háskólans á Akureyri veitir starfsmönnum háskólans, nemendum hans og öðrum, aðgang að upplýsingum og heimildum vegna náms, kennslu og rannsókna.

Lögð er áhersla á að bjóða aðgang að vönduðu úrvali gagnasafna og rafrænna tímarita á fræðasviðum háskólans og byggja upp bóka- og tímaritakost safnsins jafnt og þétt þannig að hann endurspegli fræðasvið háskólans.

Mikil áhersla er lögð á kennslu og þjálfun nemenda í upplýsingalæsi en það er sú færni sem gerir fólki kleift að leita upplýsinga, leggja mat á gæði þeirra og hagnýta þær í námi, kennslu og rannsóknum. 

Starfsfólk bókasafnsins leggur áherslu á að veita nemendum, starfsfólki háskólans og öðrum lánþegum faglega og persónulega þjónustu.

Bókasafn Háskólans á Akureyri er til húsa á háskólasvæðinu á Sólborg við Norðurslóð og er opið öllum.