Miðvikudaginn 27. janúar ræðir Elín Díanna Gunnarsdóttir,
dósent um geðklofa og mögulegar afleiðingar hans fyrir afkomendur einstaklinga sem greinast með sjúkdóminn.
Torgið fer fram í stofu L201, Sólborg og hefst kl. 12:00, allir velkomnir!
Elín fjallar um rannsókn sem hún vinnur nú að með samstarfsfólki við Karolinska Institutet í Stokkhólmi. Í þeirri rannsókn er lögð áhersla á að skoða hvort að börn einstaklinga sem greinst hafa með geðklofa búi við auknar líkur á því að greinast með sjúkdóm í augum, eyrum eða taugakerfinu samanborið við börn foreldra sem ekki hafa greinst með geðklofa.
Elín Díanna er dósent í sálfræði við Háskólann á Akureyri. Hún lauk doktorsnámi í klínískri sálfræði frá Rosalind Franklin University of Science and Medicine í Bandaríkjunum árið 2001. Í kjölfarið starfaði hún við Duke University Medical Center þar til hún hóf störf við Háskólann á Akureyri. Elín Díanna HA gegndi stöðu umsjónarmanns með félagsvísindanámi á árunum 2003-2006 og stöðu deildarforseta Félagsvísinda- og lagadeildar 2006-2007. Auk þess að starfa sem dósent er Elín Díanna sjálfstætt starfandi sálfræðingur á Akureyri.
