Þriðjudaginn 9. febrúar kl. 12.00 í stofu L 201 á
Sólborg flytur Þórdís Elva Þorvaldsdóttir fyrirlesturinn Á mannamáli - um ofbeldi á Íslandi.
Undanfarið hefur orðið töluverð umræða um sálfræðimat á brotaþola í sakamáli. Í erindi sínu á lögfræðitorgi ræðir Þórdís Elva um ýmsar hliðar slíks mats og varpar m.a. fram spurningum um andlega áverka og hvort þörf sé á endurskoðun kynferðisbrotakafla almennra hegnignarlaga, misræmi í lagabálknum og fleira.
Þórdís Elva Þorvaldsdóttir hefur undanfarin ár starfað sem leikskáld, og hafa verk hennar verið sýnd í Borgarfjarðarleikhúsinu, Hafnarfjarðarleikhúsinu, RÚV og víðar. Hún hlaut tilnefningu til Íslensku leiklistarverðlaunanna (Grímunnar) sem leikskáld ársins 2006. Á mannamáli er hennar fyrsta bók, en hún er tilnefnd til Íslensku bókmenntaverðlaunanna.
