Framhaldsnám í heilbrigðisvísindum við Háskólann á Akureyri er þverfaglegt diplómu- og meistaranám. Lögð er áhersla á frelsi nemanda til að velja sér áherslur og að hann fái ráðgjöf við valið. Meistaranámið veitir prófgráðuna M.S. í heilbrigðisvísindum (120 ein.) og diplómunámið Dipl. í heilbrigðis vísindum (40 ein.). Mögulegt er að taka einstaka námskeið.
Kennsluhættir og -tilhögun
Áhersla er á virkni nemenda og umræður. Að jafnaði eru verkefni í stað prófa. Kennt er í lotum og námið skipulagt þannig
að stunda megi vinnu með því. Yfirleitt standa tveir sérfræðingar að hverju námskeiði og þar með fá nemendur meiri hugmynda- og
þekkingarfræðilega breidd í námi sínu en ella. Námslotur eru fjórar á hverju misseri. Forsenda fyrir gagnrýnni umræðu er
að nemendur mæti í loturnar, það auðveldar alla verkefnavinnu og auk þess kynnast þeir hver öðrum og kennurum sínum. Opin
málþing eða ráðstefnur eru haldin í tengslum við mörg námskeiðin.
Til viðbótar almennu framhaldsnámi í heilbrigðisvísindum eru boðnar námsleiðir þar sem nemendum gefst kostur á að leggja áherslu á öldrun, fötlun og endurhæfingu, eða krabbamein og líknandi meðferð.
Fræðasvið um fötlun og endurhæfingu leiða þær, Snæfríður Þóra Egilson, prófessor, með áherslu á börn, ungmenni og fjölskyldur þeirra, og Guðrún Pálmadóttir, dósent, með áherslu á endurhæfingu og eflingu fullorðinna.
Sólveig Ása Árnadóttir, lektor leiðir fræðasviðið um öldrun. Kjarnanámskeiðið í því námi er Öldrun og heilbrigði í íslensku samfélagi, þar sem sjónum er beint að heilbrigði, virkni og vellíðan aldraðra.
Elísabet Hjörleifsdóttir, dósent, leiðir fræðasvið með áherslu á krabbamein og líknandi meðferð og ber kjarnanámskeiðið í því námi sama heiti, þ.e. Krabbamein og líknandi meðferð.
Þá er í samvinnu við viðskipta- og raunvísindasvið HA boðin námsleið með áherslu á stjórnun innan heilbrigðisþjónustunnar. Auk framangreindra námskeiða bætast þar við námskeiðin Forysta og árangur og Alþjóðleg mannauðs- og þekkingarstjórnun.
| Skyldunámskeið í meistaranámi | Valnámskeið skólaárið 2010-2011 |
Valnámskeið skólaárið 2011-2012 |
|
Heilbrigði og heilbrigðisþjónusta: Eigindlegar rannsóknir Megindlegar rannsóknir |
Fötlun og samfélag Langvinnir sjúkdómar og lífsglíman Öldrun og heilbrigði í íslensku samfélagi |
Krabbamein og líknandi meðferð Endurhæfing, efling og lífsgæði Stjórnun, rekstur og ígrundun |
| Sjá ítarlega náms- og kennsluskrá | ||
|
„Námskeiðið Endurhæfing, efling og lífsgæði var vel skipulagt og samþætting milli námslota einstaklega góð. Kennarar í námskeiðinu komu úr hinum ýmsu fagstéttum og voru með ólíka menntun og starfsreynslu. Þetta hafði í för með sér að mismunandi sjónarhorn komu fram sem skapaði grundvöll fyrir áhugaverðar og lærdómsríkar umræður. Töluverður sveigjanleiki var við val á verkefnatengdum viðfangsefnum og því gafst nemendum gott tækifæri til að tengja efni námskeiðs við eigin áherslur og áhugasvið í námi. “ Sólrún Óladóttir |
 |
Deildarformaður framhaldsnámsdeildar er:
Dr. Sigríður Halldórsdóttir, prófessor sigridur@unak.is
