Valmynd Leit

Sýn kennaradeildar

Menntasýn: Meginhlutverk skólastarfs er að mennta nemendur sem eru þroskaðir, réttsýnir og ábyrgir einstaklingar. Þess vegna leggur kennaradeild HA áherslu á að mennta kennara sem geta lagt gagnrýnið og ígrundað mat á menntamál. Þeir hafi þekkingu, færni og viðhorf sem gera þeim kleift að takast á hendur þau hlutverk sem kennsla leggur þeim á herðar.

Nemendasýn: Skólar eru fyrir alla og þar skulu allir nemendur hafa jafngild tækifæri til að menntast. Þess vegna leggur kennaradeild HA áherslu á að kennaranám feli í sér þekkingu, færni og viðhorf sem gera kennurum kleift að uppfylla þarfir ólíkra einstaklinga og hlúa að alhliða menntun þeirra.

Kennarasýn: Kennarinn er haldreipi skólastarfs. Þess vegna er takmark kennaradeildar HA að mennta kennara til að verða skapandi fagmenn sem hafa trausta þekkingu og færni til að beita henni í starfi. Þeir öðlist þekkingu á námi nemenda og þroska, þekkingu á námsviðum/námsgreinum og námskrá skóla, þekkingu á kennslu og árangursríkri tilhögun hennar og skilning á mikilvægi þess að gæta að jafnrétti í skólastarfi.

Skólasýn: Kennarar öðlast mikilvægan hluta af faglegum þroska sínum í starfi. Þess vegna leggur kennaradeild HA metnað sinn í að mennta kennara sem hafa þekkingu, færni og vilja til að veita forystu og axla ábyrgð við að efla skóla sem menntasamfélag þar sem allir geta þroskast í starfi, lært hver af öðrum og hver með öðrum.

Rannsóknarsýn: Rannsóknir eru lykilþáttur í skólastarfi. Þess vegna leggur kennaradeild HA megináherslu á að starfsmenn hennar séu virkir rannsakendur á fræðasviðum deildarinnar. Deildin leggur enn fremur metnað sinn í að mennta kennara sem hafa hæfni til að gerast rannsakendur á eigin starfsvettvangi með þroska og umbætur að leiðarljósi.

Námssviđ

Heilbrigđisvísindasviđ

Viđskipta- og Raunvísindasviđ

Fjarnám

Framhaldsnám

Hug- og félagsvísindasviđ

Rannsóknastofnanir

Háskólinn á akureyri

Norđurslóđ 2         600 Akureyri, Iceland         unak@unak.is         S. 460 8000 / f: 460 8999

Ekki missa af neinu

Fylgdu okkur eđa deildu