Kennarafræði B.Ed.
Nám til B.Ed.-gráðu í kennarafræði er fullt þriggja
ára nám, 180 einingar, og er jafnframt fyrri hluti fimm ára náms til M.Ed.-gráðu sem er forsenda kennsluréttinda. Að aflokinni B.Ed.-gráðu
geta nemendur einnig valið að innrita sig í tveggja ára meistaranám í menntavísindum til M.A.-gráðu.
Kennsluhættir og -tilhögun
Fyrsta námsár í fimm ára náminu er sameiginlegt öllum nemendum. Á öðru námsári velja nemendur sér leið og hefst
þá sérhæfing þeirra með hliðsjón af því skólastigi sem þeir hyggjast starfa á. Í skipulagi námsins er m
eð yngsta stigi átt við leikskóla og 1.-3. bekk grunnskóla; miðstig vísar til grunnskóla og elsta stig til 8.-10. bekkjar grunnskóla og
byrjunaráfanga framhaldsskólans. Á þriðja námsári auka nemendur enn frekar við sérhæfingu sína með vali á
kjörsviði. Þrjú kjörsvið eru í boði innan kennaradeildar HA en nemendum stendur jafnframt til boða að leita
kjörsviðssérhæfingar innan annarra deilda hug- og félagsvísindasviðs eða annarra sviða/deilda innan eða utan HA.
Þeir sem velja yngsta stig geta að námi loknu sótt um leyfisbréf leikskólakennara sem veitir jafnframt heimild til kennslu í 1.-3. bekk grunnskóla. Þeir sem velja miðstig geta sótt um leyfisbréf grunnskólakennara. Þeir sem velja efsta stig geta sótt um leyfisbréf grunnskólakennara sem veitir jafnframt heimild til kennslu í byrjunaráföngum framhaldsskólans að uppfylltum skilyrðum laga. Mennta- og menningarmálaráðuneyti veitir leyfisbréf til kennslu
|
„Mér fannst kennaranámið við HA mjög áhugavert og sé ekki eftir því að hafa valið það. Ég ætla að sérhæfa mig í kennslu fyrir efsta stig grunnskóla og hlakka til að takast á við þá vinnu í framtíðinni.“ Valgerður Reykjalín |
 |
Félagslíf nemenda
Nemendur í kennaradeild á hug- og félagvísindasviði HA eiga sér nemendafélag sem nefnist Magister. Félagið stendur fyrir ýmsum
uppákomum, ýmist á eigin vegum eða innan ramma starfsemi Félags stúdenta við Háskólann á Akureyri (FSHA). Má þar nefna
vísindaferðir, sprellmót, kaffihúsakvöld og ýmislegt fleira í þeim dúr. Nánari upplýsingar eru á www.fsha.is/magister/
