Almennt um kennaradeild Háskólans á Akureyri
Í kennaradeild er boðið upp á fimm ára kennaranám til M.Ed.-gráðu skv. lögum nr. 87/2008 um menntun og ráðningu kennara og skólastjórnenda við leikskóla, grunnskóla og framhaldsskóla. Fyrri hluti fimm ára kennaranáms er þriggja ára nám í kennarafræðum til B.Ed.-gráðu, samtals 180 einingar. Síðari hluti námsins er tveggja ára 120 eininga meistaranám í kennarafræðum sem lýkur með M.Ed.-gráðu (fyrsta innritun árið 2012). Að því loknu sækja nemendur um kennsluréttindi til mennta- og menningarmálaráðuneytis.
Skólaárið 2010–2011 er boðið upp á nám til kennsluréttinda á meistarastigi fyrir þá sem hafa bakkalárpróf eða meira eða sambærilegt próf. Nemendur þurfa ýmist að ljúka 30 eða 60 eininga námi. Námslengd veltur m.a. á fyrri menntun og kennslureynslu. Námið er samkvæmt bráðabirgðaákvæðum reglugerðar nr. 241/2009. Að námi loknu sækja nemendur um kennsluréttindi til mennta- og menningarmálaráðuneytis og þurfa að gera það fyrir 1. júlí 2011.
Ekki verður tekið inn í tveggja ára meistaranám í kennarafræðum til kennsluréttinda skólaárið 2010–2011 né nám til kennsluréttinda á bakkalárstigi. Nánari upplýsingar um kennsluréttindi má finna í lögum nr. 87/2008, reglugerð nr. 241/2009 og nr. 872/2009.
Boðið er upp á diplómunám, Dipl.Ed., eins árs 60 eininga nám, sem jafnframt er fyrra ár í meistaranámi, og tveggja ára nám til M.Ed.-gráðu í menntunarfræðum fyrir þá sem hafa bakkalárpróf eða sambærilegt próf og starfsréttindi á sviði kennslu, þjálfunar og umönnunar. Auk þessa er hægt að stundað tveggja ára rannsóknartengt 120 eininga meistaranám í menntunarfræðum til M.A.-gráðu.
Skrifstofa kennaradeildar netfang: kennaradeild@unak.is
Sólborg v/Norðurslóð
600 Akureyri
Afgreiðsla háskólans er á Sólborg og er opin kl. 8:00 - 16:00 alla virka daga.
Forseti hug- og félagsvísindasviðs:
Sigurður Kristinsson, sími: 460 8651, netfang: sigkr@unak.is
Deildarformaður:
Anna Þóra Baldursdóttir, lektor, sími: 460 8552, netfang: anna@unak.is
Brautarstjóri kennaranáms:
Finnur Friðriksson, lektor, sími: 460 8575, netfang: finnurf@unak.is
Brautarstjóri framhaldsnáms:
Rúnar Sigþórsson, prófessor, sími 460 8573, netfang: runar@unak.is
Forstöðumaður Miðastöðvar skólaþróunar:
Birna María Svanbjörnsdóttir, sími: 460 8579, netfang: birnas@unak.is
Umsjónarmaður alþjóðasamskipta:
Markus Meckl, lektor, sími: 460 8655, netfang: markus@unak.is
Fulltrúi:
Ingibjörg Smáradóttir, sími: 460 8041, netfang: ingibs@unak.is fax: 460 8999
Deildarstjóri skrifstofu í leyfi til 1.ágúst 2011:
Torfhildur Sigrún Þorgeirsdóttir
