Háskólinn á Akureyri

1. ár.   2. ár.  Haust Alþjóðasamvinna: Samspil stjórnmála og landafræði, öryggi og stjórnun Hlutverk alþjóðlegra og svæðisbundinna samtaka á heimskautasvæðunum Inngangur að heimskautarétti. Loftslagsbreytingar, stjórnkerfi og heimskautasvæðin Hefðarréttur frumbyggja og annarra samfélaga á norðurskautssvæðinu Umhverfisverndarlög og fjölbreytni lífríkisins Vor  Atvinnugreinar á sviði siglinga og auðlinda hafsins á heimskautasvæðunum Frumbyggjaréttur Hafréttur Hagkerfi og viðskipti á heimskautasvæðunum Stjórnfesta, ábyrgðarskylda og gagnsæi Þróun lífskjara á norðurslóðum Haust Lokaritgerð til LL.M./M.A. prófs í heimskautarétti Sjá ítarlega náms- og kennsluskrá Birt með fyrirvara um breytingu á námskrá Nemendur sem ekki hafa lokið inngangsnámskeiði í þjóðarétti gera það á fyrsta misseri námsins.

„Heimskautaréttur við Háskólann á Akureyri tengir saman mörg svið þjóðaréttar og landsréttar, er í senn þverfaglegt og hnitmiðað nám. Áhersla er lögð á réttarsvið sem eru heimskautaríkjunum mikilvæg og fólkinu sem löndin byggja. Einstakur hópur fræðimanna hefur komið að náminu svo fyrir vikið er alþjóðlegur bragur á kennslunni og fjölbreytt sýn á þau álitamál sem upp koma í tengslum við viðfangsefni námskeiðanna. Námið er í takt við síaukinn áhuga á heimskautasvæðunum og nýtur góðs af nærveru við ýmsar stofnanir, s.s. Stofnun Vilhjálms Stefánssonar, PAME og CAFF, auk heldur samstarfs við University of the Arctic.“ Guðmundur Egill Erlendsson nemandi í heimskautalögfræði

Nám til M.A.-gráðu í heimskautarétti (120 ECTS einingar)

Nemendur ljúka 60 einingum með námskeiðum og skrifa viðamikla meistaraprófsritgerð (60 eininga). Háskólamenntaður sérfræðingur á viðkomandi sviði hefur umsjón með undirbúningi ritgerðarinnar, en hún á að felast í einstaklingsbundinni og sjálfstæðri vinnu á völdu sérsviði innan heimskautaréttarins. Nemendur brautskrást með M.A. gráðu í heimskautarétti (þrep 2, stig 4) sem veitir aðgang að doktorsnámi (þrep 3).

• Inntökuskilyrði til 120 eininga meistaranáms (M.A.): bakkalárpróf í skyldum greinum hug - og félagsvísinda (þrep 1, stig 2).

Nám til LL.M.-gráðu í heimskautarétti (90 ECTS)

Nemendur ljúka 60 einingum með námskeiðum og skrifa meistaraprófsritgerð (30 eininga). Háskólamenntaður sérfræðingur á viðkomandi sviði hefur umsjón með undirbúningi ritgerðarinnar, en hún á að felast í einstaklingsbundinni og sjálfstæðri vinnu á völdu sérsviði innan heimskautaréttarins. Nemendur brautskrást með meistarapróf í lögum (LL.M.- gráðu) (þrep 2, stig 4) sem veitir aðgang að doktorsnámi (þrep 3).

• Inntökuskilyrði til 90 eininga meistaranáms (LL.M.): bakkalárpróf í lögfræði (þrep 1, stig 2) eða sambærilegt próf.

Diplómunám á meistarastigi í heimskautarétti (60 ECTS einingar)

Nemendur ljúka 60 einingum með námskeiðum og brautskrást með diplómu á meistarastigi (þrep 2, stig 3).

• Inntökuskilyrði til 60 eininga diplómunáms á meistarastigi: bakkalárpróf í lögfræði (þrep 1, stig 2) eða sambærilegt próf.