http://www.unak.is/ Hlutverk Háskólans á Akureyri er að veita nemendum tækifæri til menntunar í metnaðarfullu og alþjóðlegu náms- og rannsóknarumhverfi. Háskólinn skapar fræðimönnum sínum umhverfi og aðstöðu til rannsókna og nýsköpunar sem stuðlar að vexti og framþróun íslensks samfélags og veitir inn í það nýjum straumum. Háskólinn leggur áherslu á gagnvirk tengsl við atvinnulífið. is Sat, 13 Mar 2010 05:38:08 +0000 Sat, 13 Mar 2010 05:38:08 +0000 http://blogs.law.harvard.edu/tech/rss Moya 1.13 http://www.unak.is/forsida/news/malstofa_um_rannisumsoknir/ Þriðjudaginn 16. mars kl. 9:00 - 12:00 verðu málstofa þar sem spurningunum Hvað þarf að hafa í huga þegar unnið er að umsóknum til Rannís? Hvernig getum við náð betri árangri? verður svarað. Málstofan fer fram á Borgum, 2. hæð, vesturálmu. RHA stendur fyrir málstofunni í samvinnu við rektor og fræðasvið HA en þar gefst starfsmönnum háskólans tækifæri til að ræða umsóknir í sjóði Rannís. Markmið málfundarins er að ræða árangur umsókna frá HA í sjóði Rannís undanfarin ár, hvað betur má fara, hvert við viljum stefna og hvaða leiðir eru færar og ákjósanlegar. Starfsmenn háskólans eru hvattir til þess að mæta og taka virkan þátt í málstofunni. Fundarstjóri: Stefán B. Sigurðsson, rektor Dagskrá: Kl. 09:00-09:15 Opnun málstofu og stefna HA í rannsóknum. Stefán B. Sigurðsson, rektor Kl. 09:15-09:25 Stuðningur við umsóknir í samkeppnissjóði - hlutverk RHA. Guðrún Rósa Þórsteinsdóttir, forstöðum. RHA Kl. 09:25-09:35 Rannís og samkeppnisumhverfið. Hans Kristján Guðmundsson, forseti viðskipta- og raunvísindasviðs Kl. 09:35-09:50 Vísinda- og tækniráð/fagráð – heilbrigðisvísindi. Sigríður Halldórsdóttir, prófessor Kl. 09:50-10:00 Fagráð, hug- og félagsvísindi. Ingi Rúnar Eðvarðsson, prófessor Kl. 09:55-10:05 Fagráð, raunvísindi. Steingrímur Jónsson, prófessor Kl. 10:05-10:20 Kaffihlé Kl. 10:20-12:00 Umræður Thu, 11 Mar 2010 18:00:00 +0000 http://www.unak.is/forsida/news/malstofa_um_rannisumsoknir/ http://www.unak.is/forsida/news/leidir_til_ad_draga_ur_kannabisneyslu_unglinga/ Ný rannsókn á vegum Háskólans á Akureyri og fleiri aðila sýnir fram á að aðgerðir til að draga úr framboði kannabisefna og fræðsla til að draga úr eftirspurn slíkra efna geta sameiginlega dregið umtalsvert úr kannabisneyslu unglinga á landvísu. Margar rannsóknir hafa leitt í ljós að unglingar sem nota kannabisefni eiga auðveldara með að nálgast slík efni og telja þau skaðminni en aðrir unglingar. Hart hefur verið deilt um það orsakasamband sem þessu sambandi liggur til grundvallar. Þótt auðvelt aðgengi og jákvæð viðhorf kunni að hafa áhrif á neyslu unglinganna er einnig líklegt að unglingar sem nota kannabisefni eigi auðveldara með að nálgast þau og viðhorf þeirra breytist vegna neyslunnar. Langtímarannsóknir benda til að hvorutveggja kunni að eiga við rök að styðjast en ekki hefur verið sýnt fram á að fræðsla um skaðsemi kannabisefna eða lögregluaðgerðir til að draga úr framboði slíkra efna geti beinlínis dregið úr útbreiðslu slíkrar neyslu meðal unglinga á landsvísu. Í rannsókn Þórodds Bjarnasonar, Andreeu Steriu og Önnu Kokkevi sem birtist í ISI tímaritinu Drugs: Education, Prevention, and Policy er fjölstigaaðhvarfsgreiningu (hierarchical linear modeling) beitt til þess að kanna áhrif aðgengis og viðhorfa í unglingasamfélaginu á líkurnar á neyslu kannabisefna meðal 85 þúsund 15-16 ára unglinga í rúmlega þrjátíu Evrópulöndum. Þetta er gert með því að nota viðhorf þeirra nemenda sem aldrei hafa prófað kannabisefni sem forspá og stjórna tengslum viðhorfa og hegðunar þeirra sem hafa notað kannabisefni. Í ljós kemur að neikvæð viðhorf og lítið aðgengi unglinga sem aldrei hafa notað kannabisefni draga marktækt úr líkunum á slíkri neyslu á landsvísu. Þessar niðurstöður styðja þá forvarnarstefnu EMCDDA og UNDOC að flétta þurfi saman fræðslu og lögregluaðgerðum til að draga úr kannabisneyslu unglinga. Thu, 11 Mar 2010 15:39:00 +0000 http://www.unak.is/forsida/news/leidir_til_ad_draga_ur_kannabisneyslu_unglinga/ http://www.unak.is/forsida/news/skraning_a_radstefnuna_undur_alheimsins/ Nú stendur yfir skráning á ráðstefnuna Undur alheimsins sem haldin verður í Menntaskólanum á Akureyri laugardaginn 20. mars næst komandi. Það eru Háskólinn á Akureyri, Menntaskólinn á Akureyri, Stjörnuskoðunarfélag Seltjarnarness, Stjarnvísindafélag Íslands og Vísindafélag Norðlendinga sem standa saman að ráðstefnunni. Ekkert þáttökugjald er á ráðstefnuna en skráning fer fram á ráðstefnusíðu HA, sjá hér. Thu, 11 Mar 2010 15:00:00 +0000 http://www.unak.is/forsida/news/skraning_a_radstefnuna_undur_alheimsins/ http://www.unak.is/forsida/news/visindafelag_islendinga/ Laugardaginn 13. mars verður fundur í Þjóðmenningarhúsinu við Hverfisgötu kl 15.00. Fyrirlesari er Grétar Þór Eyþórsson prófessor í stjórnmálafræði og aðferðafræði við Háskólann á Akureyri. Erindi hans ber yfirskriftina Íbúakosningar. Er málið svona einfalt?.  Aukin afskipti og áhrif hins almenna borgara á ákvarðanatöku í samfélaginu – einkanlega milli hinna reglubundnu kosninga til sveitarstjórna og Alþingis – eru meðal mála málanna í þjóðfélaginu í dag. Aukin áhrif hins almenna borgara eru að margra mati ákall nýrra tíma í þjóðfélaginu, ákall um bætt lýðræði. Í erindinu er fjallað um nokkrar þeirra tilrauna sem gerðar hafa verið í því skyni að efla lýðræði í sveitarstjórnum í nágrannalöndum okkar? Hver er reynslan af slíkum tilraunum? Sjónum verður þó einkanlega beint að íbúakosningum í sveitarfélögum og fjallað um helstu rök með því að viðhafa þær, en einnig fjallað um af hverju rétt geti verið að gæta hófs í því sambandi. Nánar á http://www.visindafelag.is/ Thu, 11 Mar 2010 11:02:00 +0000 http://www.unak.is/forsida/news/visindafelag_islendinga/ http://www.unak.is/forsida/news/nemandi_i_sjavarutvegsfraedum_fyrirlidi_islandsmeistara/ Miðvikudaginn 10. mars varð Skautafélag Akureyrar (SA)  Íslandsmeistari í íshokkí eftir spennandi einvígi við Björninn frá Reykjavík. Jón Benedikt Gíslason, nemandi í sjávarútvegsfræðum við HA og einnig starfsmaður Sjávarútvegsmiðstöðvarinnar við HA er fyrirliði Íslandsmeistarana og óskar Háskólinn á Akureyri honum og öllu SA liðinu til hamingju með sigurinn. Thu, 11 Mar 2010 10:56:00 +0000 http://www.unak.is/forsida/news/nemandi_i_sjavarutvegsfraedum_fyrirlidi_islandsmeistara/