Valmynd Leit

Saga háskólans

Háskólinn á Akureyri. Mynd: Daníel Starrason.Háskólinn á Akureyri (HA) var stofnaður árið 1987 og fyrsti rektorinn, Haraldur Bessason var ráðinn um sumarið það ár. Fyrsta starfsárið var boðið upp á nám í tveimur deildum, heilbrigðisdeild og rekstrardeild. Kennslan fór fram í tveimur stofum í Íþróttahöllinni og tvær skrifstofur starfsmanna voru í Þingvallastræti 23. Fastráðnir starfsmenn voru fjórir og nemendur voru 31.

Frá upphafi hefur vöxtur HA verið hraður. Námsframboð hefur aukist jafnt og þétt, nemendum og starfsfólki hefur fjölgað, ýmsir samstarfsaðilar hafa komið til og byggingar hafa risið. Nú er boðið upp á grunnnám í eftirtöldum greinum: félagsvísindi, fjölmiðlafræði, hjúkrunarfræði, iðjuþjálfun, kennarafræði (leik- og grunnskóla), líftækni, lögfræði, nútímafræði, sálfræði, sjávarútvegsfræði og viðskiptafræði. Þá er einnig boðið upp á framhaldsnám á heilbrigðisvísindasviði, í félagsvísindum, viðskiptafræði og auðlindafræði.

Helstu atburðir í sögu háskólans

  • Háskólinn var stofnaður árið 1987 og boðið upp á nám í heilbrigðisdeild og rekstrardeild
  • Félagsstofnun stúdenta var stofnuð 26. október 1988
  • Bókasafn var formlega opnað 16. júní 1989
  • Fyrsta brautskráning var frá rekstrardeild 16. júní 1989, en þá voru brautskráðir 10 iðnrekstrarfræðingar
  • Útsteinn, stúdentagarðar við Skarðshlíð voru teknir í notkun við upphaf haustmisseris 1989
  • Sjávarútvegsdeild var stofnuð 4. janúar 1990 
  • Stúdentagarðar við Klettastíg voru teknir í notkun við upphaf haustmisseris 1992
  • Í desember 1992 tók Rannsóknastofnun HA til starfa
  • Heimild var veitt til stofnunar kennaradeildar með bréfi 10. desember 1992. Kennsla í deildinni hófst haustið 1993
  • Stúdentagarðar við Klettastíg (tvö seinni húsin) voru teknir í notkun í lok ágúst 1993
  • Framtíðarhúsnæði háskólans á Sólborg var formlega afhent 1. apríl 1995
  • Nám á leikskólabraut hófst haustið 1996 og fyrstu nemendur voru útskrifaðir vorið 1999.
  • 15. maí 1998 var undirritað samkomulag um að Háskólinn á Akureyri taki að sér umsjón með fjarkennslu í hjúkrunarfræði til Ísafjarðar. Var þetta grunnurinn að þeirri þróun sem hefur átt sér stað í fjarnámi við háskólann
  • 4. september 1999 var undirritaður samningur milli HA og HÍ um Ferðamálasetur Íslands
  • Fyrstu meistaragráðunemendurnir voru brautskráðir 26. febrúar 2000. Voru það nemendur sem höfðu stundað meistaragráðunám í hjúkrunarfræði í samstarfi við Háskólann í Manchester í Englandi
  • Haraldur Bessason, fyrrverandi rektor HA var kjörinn fyrsti heiðursdoktor við háskólann við brautskráningarathöfn 10. júní 2000
  • Matvælasetur Háskólans á Akureyri tók til starfa um áramót 2000
  • 1. apríl 2001 tók Byggðarannsóknastofnun til starfa. Í samningi um stofnunina er tekið fram að hún skuli vera rannsókna- og fræðslustofnun á sviði byggðamála við HA
  • Haustið 2001 hófst nám í tölvunarfræði við nýja deild, upplýsingatæknideild
  • 7. október 2002 var tekið í notkun verknámshús heilbrigðisdeildar HA
  • 17. júní 2002 var fyrsti fjarnámshópurinn brautskráður. Voru það níu hjúkrunarfræðingar sem brautskráðust frá Ísafirði
  • 17. janúar 2003 samþykkti háskólaráð að setja á laggirnar við háskólann Stofnun Páls S. Árdal í Hume-fræðum
  • Félagsvísinda- og lagadeild var stofnuð árið 2002 og kennsla hófst haustið 2003
  • 28. maí 2003 tók HA við rekstri Frumkvöðlaseturs Norðurlands
  • Haustið 2003 var Heilbrigðisvísindastofnun HA stofnuð
  • Stúdentagarðar við Tröllagil 29 voru teknir í notkun í september 2004
  • Í október 2004 voru Borgir, rannsókna- og nýsköpunarhús tekið í notkun
  • Dr. Shirin Ebadi var gerð að heiðursdoktor við félagsvísinda- og lagadeild 6. nóvember 2004
  • Líkamsræktarsalur á Sólborg tekinn í notkun 10. október 2005
  • Asíuver Íslands var stofnað 16. desember 2005
  • Fjárveiting fékkst til að hefja framkvæmdir við IV áfanga á Sólborg. Framkvæmdin var boðin út og ákvað menntamálaráðuneyti, að höfðu samráði við Bygginganefnd háskólans, að taka tilboði Tréverks ehf. í verkið.
  • RES Orkuskóli tók formlega til starfa þann 9. maí 2007.
  • Á háskólaráðsfundi þann 28. september 2007 var ákveðið að sameina kennaradeild og félagsvísinda- og lagadeild í hug- og félagsvísindadeild. Ný deild tók til starfa 1. ágúst 2008.
  • Afmælisnefnd efndi til samkeppni um nýtt merki háskólans. Nýtt merki var tekið í notkun 8. september 2007.
  • Háskólabandið gaf út geisladisk haustið 2007 í tilefni 20 ára afmælis háskólans. 
  • Þann 9. febrúar 2008 tók Þorgerður Katrín Gunnarsdóttir, þáverandi menntamálaráðherra, fyrstu skóflustunguna að IV áfanga nýbygginga Háskólans á Akureyri við Sólborg.
  • Í júní 2008 kom út Afmælisrit Háskólans á Akureyri 2007 í tilefni af 20 ára afmæli skólans.
  • Í ágúst 2008 voru teknir í notkun nýir stúdentagarðar við Kjalarsíðu 1 a og b.
  • Háskólaráð samþykkti á fundi sínum 1. apríl 2009 breytt stjórnskipulag fyrir Háskólann á Akureyri. Meginefni breytinganna var að deildir breyttust í svið og heita þá: Heilbrigðisvísindasvið , hug- og félagsvísindasvið, og viðskipta- og raunvísindasvið. Innan sviðanna starfa deildir. Breytingin tekur gildi 1. ágúst 2009.
  • Haraldur Bessason, fyrrverandi rektor Háskólans á Akureyri, lést þann 8. apríl 2009.  
  • 16. apríl 2009 var stofnuð Sjávarútvegsmiðstöð við Háskólann á Akureyri.
  • 1. júlí 2009 lét Þorsteinn Gunnarsson af störfum sem rektor eftir 15 ár í starfi og við tók Stefán B. Sigurðsson.
  • 28. ágúst árið 2010 var IV áfangi á Sólborg vígður, þá eignaðist háskólinn loks langþráðan hátíðarsal ásamt glæsilegu anddyri og nýjum kennslustofum.
  • Nigel David Banks var gerður að heiðursdoktor við lagadeild 9. september 2010.
  • Þann 9. júní 2012 tók Katrín Jakobsdóttir, menntamálaráðherra, fyrstu skóflustunguna að V áfanga nýbygginga Háskólans á Akureyri.
  • Haustið 2013 var V áfangi Háskólans á Akureyri við Sólborg formlega tekinn í notkun.
  • 1. júlí 2014 lét Stefán B. Sigurðsson af störfum sem rektor eftir fimm ár í starfi og við tók Eyjólfur Guðmundsson.

Húsnæðismál
Starfsemi Háskólans á Akureyri fer fram í tveimur húsum. Borgir eru glæsilegt rannsókna- og nýsköpunarhús sem tekið var í notkun haustið 2004. Húsið var byggt í einkaframkvæmd og eigendur þess eru Íslenskir aðalverktakar. Auk háskólans eru í húsinu fjölmargar samstarfsstofnanir hans.

Sólborg er í eigu háskólans og var byggt á árunum 1967-1984, en nýjasti hlutinn var tekinn í notkun haustið 2010. Eldri byggingar hafa verið endurnýjaðar að mestu leyti og næsti byggingaráfangi er á hönnunarstigi. Áður en háskólinn fékk Sólborg afhenta var starfrækt heimili fyrir þroskahefta þar.

Námssviđ

Heilbrigđisvísindasviđ

Viđskipta- og Raunvísindasviđ

Fjarnám

Framhaldsnám

Hug- og félagsvísindasviđ

Rannsóknastofnanir

Háskólinn á akureyri

Sólborg v/norđurslóđ         600 Akureyri, Iceland         ""unak@unak.is         S. 460 8000 / f: 460 8999

Ekki missa af neinu

Fylgdu okkur eđa deildu