Reglur við mat í náms- og matsnefnd viðskiptadeildar
- Til að ljúka prófi í viðskiptafræðum þarf nemandi ætíð að ljúka minnst 60 ECTS-einingum í deildinni (valið
í samráði við deildina) óháð því hve mikið viðkomandi fær metið annars staðar frá.
- Einkunn þarf að vera 6,0 eða hærri í þeim námskeiðum sem metin eru.
- Hafi námskeiði sem óskað er eftir mati á verið lokið fyrir meira en 5 skólaárum skal aðeins heimilt að samþykkja mat þar sem
um beina samsvörun er að ræða við námskeið á viðkomandi braut við deildina. Skal þá umsjónarkennari þess
námskeiðs ráða hvort af matinu verður. Ekki er hægt að meta slíkt námskeið á móti valnámskeiði.
- Sé óskað mats á námskeiði sem notað er til eininga við aðra háskólagráðu sem lokið er með
lágmarkseiningafjölda er heimilt að veita undanþágu frá skráningu í námskeiðin engu að síður þarf nemandi að
ljúka fullum einingafjölda. Séu einingar sem teknar voru umfram lágmarkseiningafjölda vegna háskólagráðunnar má þó að
hámarki meta einingar til jafns við umframeiningar gráðunnar.
- Ekki er í boði fyrir nemendur að taka fleiri en eina braut þ.e. nemendur í viðskiptafræði geta einungis lokið þeirri braut sem þeir eru
skráðið á, en geta að sjálsfsögðu tekið fleiri námskeið en það komi fram sem aukanámskeið á
námsferli.
- Þegar metið er tveggja ára háskólanám eða styttra inn í deildina skal ekki meta lokaársnámskeið við HA.
- Ekki er hægt að meta nám frá skólum sem ekki teljast á háskólastigi.
Mat á 70 eininga námi frá rekstrardeild Háskólans á Akureyri (útskrifaðir nemendur) og mat á iðnrekstrarfræði frá Tækniháskóla Íslands (120 ECTS-einingar)
- Nemendur þurfa að ljúka minnst 66 ECTS-einingum frá viðskipta- og raunvísindadeild til þess að útskrifast með B.S. gráðu.
- Nemendur taka 3ja árið á Stjórnunarbrautinni auk námskeiðsins FJÁ2203 Fjármálamarkaðir.
Mat á rekstrarfræðinámi frá Símenntun HA
- Eftirtalin námskeið eru metin inn í viðskiptaskor: FHB2103 Fjárhagsbókhald, FJÁ2103 Fjármál I, ÞJÓ2103 Þjóðhagfræði, LÖG2103 Viðskiptalögfræði, MAR2103 Markaðsfræði I,SKS2103 Skattskil, STJ2103 Stjórnun I, Val 12 ECTS-einingar, samtals 54 ECTS-einingar.
Mat á námi frá Endurmenntunarstofnun Háskóla Íslands
- Farið er eftir sömu reglum og Háskóli Íslands, sjá á heimasíðu http://www.vidskipti.hi.is/.
