Nýnemadagar

Á nýnemadögum fer fram fræðsla um ýmislegt sem er til grundvallar háskólanámi og enginn nýnemi ætti að láta fram hjá sér fara.

Markmið nýnemadaga er meðal annars

  • Að bjóða nýnema velkomna til starfa í HA og veita þeim tækifæri til að kynnast hver öðrum og félagslífi skólans.
  • Að gefa nýnemum tækifæri á að kynnast starfsfólki og þjónustu háskólans í upphafi náms, t.a.m. tölvuumhverfi, prófareglum, bókasafni, námsráðgjöf, alþjóðasamstarfi, húsnæði o.fl.h´
  • Að gera grein fyrir almennum væntingum HA til nýnema.

Dagskrá nýnemadaga fer fram á hefðbundnum kennslutíma, en til viðbótar skipuleggja nemendafélögin og Stúdentafélag Háskólans á Akureyri (SHA) kvölddagskrá sem miðar að því að bjóða nýnema velkomna og kynna félagslíf nemenda.

UPPLÝSINGAR FYRIR NÝNEMA

Upplýsingar fyrir nemendur sem eru að hefja nám á framhaldsstigi koma inn fljótlega. 

Nýnemum er skipt í hópa

  • Mánudaginn 24. ágúst: Nýnemar á hug- og félagsvísindasviði (staðar- og fjarnemar)
  • Miðvikudaginn 26. ágúst: Nýnemar á heilbrigðisvísindasviði (staðar- og fjarnemar)
  • Fimmtudaginn 27. ágúst: Nýnemar á viðskipta- og raunvísindasviði (staðar- og fjarnemar)

Ekki hika við að nýta þér þetta tækifæri til að kynnast háskólaumhverfinu. Reynslan sýnir að þátttaka á nýnemadögum auðveldar nemendum að hefja nám; þeir eru fljótari að kynnast samnemendum sínum, vinnuumhverfinu, starfsfólki og húsnæði HA. Fyrstu kennslustundirnar hefjast að loknum nýnemakynningum á hverju fræðasviði fyrir sig.