Laust starf: Aðjúnkt í iðjuþjálfunarfræðideild

Laust er til umsóknar hálft starf (49%) aðjúnkts í iðjuþjálfunarfræði með sérþekkingu á starfsemi skyn- og hreyfistjórnunarkerfisins sem og þjónustu velferðarkerfisins á mismunandi vettvangi.

Helstu verkefni og ábyrgð

Við leitum að öflugum einstaklingi með góða þekkingu á þjónustu iðjuþjálfa á stofnunum og í nærumhverfi notenda. Viðkomandi þarf einnig að hafa þekkingu á skynúrvinnslu, hreyfistjórnun og aðferðum til að koma í veg fyrir skerðingar og auka færni. Krafa er gerð um góða þekkingu á velferðartækni þar sem viðkomandi mun taka þátt í þróun hermi- og færniseturs. Starfið felur í sér kennslu og stjórnun en er án rannsóknarskyldu. Næsti yfirmaður er formaður iðjuþjálfunarfræðideildar. Starfsvettvangur er Háskólinn á Akureyri. Staðan er veitt frá og með 1. desember 2021. Ráðningartími er tímabundinn til tveggja ára.

Háskólinn á Akureyri er eini háskólinn á Íslandi sem býður upp á nám í iðjuþjálfunarfræði. Haustið 2017 hófst kennsla eftir nýrri námskrá í þriggja ára BS námi í iðjuþjálfunarfræðum. Til að fá starfsréttindi sem iðjuþjálfi er nauðsynlegt að ljúka BS-prófi í iðjuþjálfunarfræði og eins árs framhaldsnámi í iðjuþjálfun á meistarastigi (Diploma). Framhaldsnámið fer að miklu leyti fram á vettvangi í fjölbreytilegu starfsumhverfi iðjuþjálfa.

Hæfniskröfur

  • Próf í iðjuþjálfunarfræði frá viðurkenndum háskóla er krafa.
  • Meistarapróf á sviði heilbrigðisvísinda er krafa.
  • Íslenskt starfsleyfi iðjuþjálfa er krafa.
  • Að minnsta kosti 2 ára sérhæfð reynsla af starfi iðjuþjálfa í nærumhverfi notenda er krafa.
  • Reynsla af háskólakennslu er krafa.
  • Þekking og reynsla af velferðartækni er krafa.
  • Reynsla af leiðbeiningu nemenda í vettvangsnámi við iðjuþjálfunarfræðideild er kostur.
  • Góð samstarfshæfni, lipurð í mannlegum samskiptum ásamt góðri færni í að miðla þekkingu.
  • Gott vald á íslensku og ensku, jafnt töluðu sem rituðu máli.

Umsókn skal fylgja

  • Ítarleg ferilskrá.
  • Staðfest afrit af prófskírteinum.
  • Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.
  • Tilnefna skal a.m.k. tvo meðmælendur og er æskilegt að einn þeirra sé næsti yfirmaður í núverandi eða fyrra starfi umsækjanda.
  • Við ráðningu verður miðað við, að sá er starfið hlýtur falli sem best að aðstæðum og þörfum iðjuþjálfunarfræðideildar Háskólans á Akureyri.

Umsóknarfrestur er til og með 20.september 2021

Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.

Meðferð umsókna, mat á hæfi umsækjenda og ráðning í starfið er í samræmi við ákvæði laga um háskóla nr. 63/2006, laga um opinbera háskóla nr. 85/2008 með síðari breytingum, og reglur fyrir Háskólann á Akureyri. nr. 387/2009. Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu í starfið hefur verið tekin. Háskólinn á Akureyri áskilur sér rétt til að hafna öllum umsóknum. Umsókn getur gilt í sex mánuði eftir að umsóknarfresti lýkur.

Nánari upplýsingar veitir

Sonja Stelly Gústafsdóttir, sonjag@unak.is, 4608470

Smelltu hér til að sækja um starfið