Laust starf: Forseti Hug- og félagsvísindasviðs

Háskólinn á Akureyri leitar að öflugum leiðtoga fyrir Hug- og félagsvísindasvið háskólans. Forseti Hug- og félagsvísindasviðs starfar í umboði rektors og er yfirmaður og akademískur leiðtogi fræðasviðsins, stjórnar daglegri starfsemi þess og leiðir teymi stjórnenda fræðasviðsins. Starf forseta fræðasviðs felur m.a. í sér yfirumsjón með allri starfsemi fræðasviðsins og stefnumörkun í málefnum fræðasviðsins í samræmi við stefnu Háskólans á Akureyri.

Ráðið er í starfið til fimm ára frá 1. janúar 2023.

Helstu verkefni og ábyrgð

  • Stjórnun, útfærsla og framkvæmd stefnu Háskólans á Akureyri á vettvangi fræðasviðs
  • Fjármál og rekstur fræðasviðs, deilda og stofnana sem undir það heyra
  • Gæði kennslu, rannsókna og þjónustu
  • Starfsmannamál
  • Stuðla að og styðja við öfluga liðsheild og faglegt samstarf
  • Tengsl við innlenda og erlenda samstarfsaðila
  • Yfirumsjón og ábyrgð á stjórnsýslu og stoðþjónustu fræðasviðsins

Hæfniskröfur

  • Umsækjendur skulu uppfylla almenn hæfisskilyrði sem háskólakennarar á vettvangi þeirra fræða sem kennd eru á fræðasviðinu. Doktorspróf er skilyrði.
  • Þekking og reynsla á íslensku og alþjóðlegu háskóla- og rannsóknastarfi.
  • Leiðtogahæfileikar.
  • Metnaðarfull og skýr framtíðarsýn.
  • Framúrskarandi hæfni í mannlegum samskiptum eru skilyrði.
  • Reynsla af rekstri, stjórnun og stefnumótun er skilyrði.
  • Góð tök á íslensku og ensku í töluðu og rituðu máli.

Helstu fylgigögn með umsókn eru:

  • Greinargerð umsækjanda um helstu áherslur í starfi forseta Hug- og félagsvísindasviðs og sýn umsækjanda á hvernig viðkomandi hyggst byggja upp og þróa starfsemi fræðasviðsins til næstu ára (hámarkslengd 3 síður).
  • Náms- og starfsferilskrá.
  • Staðfest afrit af prófskírteinum á íslensku eða ensku.
  • Umsagnir um kennslu- og stjórnunarstörf umsækjanda eftir því sem við á.
  • Ritaskrá ásamt skýrslu um vísindastörf og þær fræðilegu ritsmíðar sem umsækjandi telur vera sín bestu verk (allt að fimm ritum) og tengjast fræðasviðinu.

Umsóknarfrestur er til og með 01.09.2022

Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.

Við ráðningu í störf við Háskólann á Akureyri er tekið mið af jafnréttisáætlun háskólans.

Vakin er athygli á málstefnu Háskólans á Akureyri.

Háskólinn á Akureyri áskilur sér rétt til að hafna öllum umsóknum. Öllum umsóknum verður svarað þegar tekin hefur verið ákvörðun um ráðningu í starfið. Ófullnægjandi umsóknir verða ekki teknar til greina.

Starfshlutfall er 100%

Nánari upplýsingar veitir

Eyjólfur Guðmundsson, rektor - rektor@unak.is

Smelltu hér til að sækja um starfið