Við störfum í þágu nemenda og gætum hagsmuna þeirra. Við leggjum áherslu á góða og aðgengilega þjónustu við nemendur og ráðgjöfin er sniðin að þörfum hvers og eins.
Hlökkum til að sjá ykkur!
Hér finnur þú ýmsar vefsíður og forrit sem geta hjálpað við lestur, hlustun, ritun og skipulag.
Leturgerð sem er sérstaklega hönnuð fyrir lesblinda og er öllum aðgengileg. Leturgerðin er sótt á netinu og er án endurgjalds.
Skrambi er íslenskt villuleitarforrit og hentar vel við ritun á íslenskum texta.
Þú skrifar eða límir texta beint inn í Skramba og forritið merkir allar villur. Skrambi merkir við allt að 200 villur í fyrstu 5000 orðum.
Speechify smáforritið les upp íslenskt efni og er án endurgjalds. Hægt er að velja á milli tveggja radda, Dóru og Karls. Einfalt er að hlaða inn gögnum í forritið og láta lesa þau upphátt, bæði af vefsíðum og skýi.
Í forritinu er möguleiki að velja fjöldann allan af tungumálum og því einnig hægt að nýta það til tungumálanáms.
Kindle-forritið tengist við Amazon. Einnig er hægt að setja aðrar rafbækur og rafræn skjöl í forritið. Inni í forritinu hefur notandinn tækifæri á að breyta uppsetningu, leturgerð og stærð leturs. Einnig er hægt að yfirstrika texta, setja inn minnismiða og bókamerki ásamt því að leita í orðabók að orðum, t.d. á ensku.
Google þýðingarforritið er til bæði fyrir snjalltæki og tölvur. Forritið þýðir á milli fjölda tungumála. Hægt er að nota hljóðnema til að láta tækið nema orðin og þýða þau hljóðrænt, einnig er hægt að skrifa inn orð eða texta. Forritið er með öflugan skanna sem nýtist meðal annars til að skanna inn fræðigreinar eða texta úr bókum og láta forritið lesa upp textann og þýða.
Við notkun á ritvinnsluforritinu Google docs í Chrome-vafranum er hægt að nýta hljóðupptökutól. Það býður upp á að tala inn texta og forritið ritar hann samtímis inn í skjalið. Hægt er að velja á milli fjölda tungumála, þ. á m. íslensku.
Voice Dream smáforritið gefur möguleika á að lesa upp íslenskt efni með röddum Dóru og Karls. Hægt er að hlaða inn gögnum og láta lesa þau upphátt, bæði af vefsíðum og þeim sem eru vistuð á skýi. Í forritinu er möguleiki að velja fjöldann allan af tungumálum og því einnig hægt að nýta það til tungumálanáms.
Náms- og starfsráðgjafar geta aðstoðað þig um úrræði í námi og prófum.
Ferilskrá, kynningarbréf, atvinnuviðtöl og aðrir þættir umsóknarferlisins.
Stúdentar við Háskólann á Akureyri geta sótt sér sálfræðiþjónustu að kostnaðarlausu
Við störfum í þágu nemenda og gætum hagsmuna þeirra. Við leggjum áherslu á góða og aðgengilega þjónustu við nemendur og ráðgjöfin er sniðin að þörfum hvers og eins.
Hlökkum til að sjá ykkur!