Sunneva Ósk Guðmundsdóttir, sjávarútvegsfræðingur ráðin gæðastjóri Samherja og ÚA.

Sunneva Ósk Guðmundsdóttir hefur verið ráðin gæðastjóri landvinnslu Samherja og Útgerðarfélags Akureyringa, ÚA. Sunneva Ósk er sjávarútvegsfræðingur frá Háskólanum á Akureyri en hún lauk BS. prófi sínu í júní 2017.

Aðspurð um námið segir Sunneva ,,sjávarútvegsfræði er virkilega fjölbreytt nám sem samanstendur af námskeiðum í sjávarútvegi, viðskiptum og raunvísindum. Meðan ég stundaði námið þá lærði ég öguð vinnubrögð og mikilvægi þess að skipuleggja sig vel. Þá lærði ég að halda utan um mörg verkefni í einu ásamt því að vinna í teymi sem nýtist mér vel í starfi.’’

Sjávarútvegsfræði er einungis kennd við Háskólann á Akureyri. Nám í sjávarútvegsfræði veitir góðan grunn fyrir fjölbreytt stjórnunarstörf. Þá getur þú einnig bætt við þig einu ári í viðskiptafræði að námi loknu sem þýðir, tvær háskólagráður á aðeins fjórum árum. Umsóknarfrestur er til 15. júní.