Örtónleikar í Miðborg með dr. Enrique del Acebo Ibáñez

Argentíski félagsfræðingurinn og rithöfundurinn dr. Enrique del Acebo Ibáñez heimsækir Háskólann á Akureyri í dag og býður til örtónleika og upplestrar úr verkum sínum í Miðborg klukkan 13.30 í dag.

Enrique er sannkallaður íslandsvinur og hefur nokkrum sinnum áður heimsótt Háskólann á Akureyri. Að þessu sinni er hann á ferð með píanóleikaranum Javier Miranda sem mun leika nokkur sýnishorn af Argentínskri tónlist, jafnt tangóum sem klassískum verkum. Inná milli les Enrique úr örsagnasöfnum sínum og Javier spilar eigin útsetningar á umfjöllunarefni textanna.

Þetta er tilvalið tækifæri fyrir starfsfólk og nemendur til að taka sér smá hlé frá amstri dagsins og njóta listarinnar.