Viðskiptadeild Háskólans á Akureyri stendur fyrir ráðstefnunni Svæði, byggðir og samfélög á Íslandi föstudaginn 25. september.
Á ráðstefnunni verður sjónum beint að fjölbreyttum viðfangsefnum sem tengjast byggða- og samfélagsþróun á Íslandi. Fjallað verður meðal annars um vinnumarkaði og fjarvinnu í dreifbýli, stöðu og þróun byggðar, samgöngur og atvinnulíf, ferðaþjónustu, nýsköpun, búsetu og búferlaflutninga fólks.
Með ráðstefnunni er skapaður vettvangur til að miðla rannsóknum og þekkingu á þeim tækifærum og áskorunum sem íslenskar byggðir og samfélög standa frammi fyrir. Erindin varpa ljósi á þróunina frá ólíkum sjónarhornum og þá þætti sem geta haft áhrif á framtíð byggðar og búsetu um allt land.
- Ráðstefnan fer fram í Háskólanum á Akureyri, í stofu M101 og hefst kl. 10.00
- Þátttakendur eru hvattir til að skrá þátttöku sína
Dagskrá
10.00 | Setning ráðstefnu
10.15-12.00 | VINNUMARKAÐIR OG FJARVINNA Í DREIFBÝLI
Fjarvinna og sveigjanleiki: tækifæri fyrir minni byggðir?
Hjördís Sigursteinsdóttir, dósent við Viðskiptadeild HA
Áhrif hnattvæðingar á vinnumarkaði á dreifbýlum svæðum. Dæmi frá Íslandi og Svíþjóð
Hjalti Jóhannesson, sérfræðingur hjá RHA og Grétar Þór Eyþórsson, prófessor við Viðskiptadeild HA
Óstaðbundin störf og óskabúseta: Hversu miklu fleiri telja sig geta unnið meira óstaðbundið? Hvar myndu þeir vilja búa?
Vífill Karlsson, prófessor við Viðskiptadeild HA
Stafræn þróun og fjarvinna á dreifbýlum svæðum á Norðurlöndunum
Grétar Þór Eyþórsson, prófessor við Viðskiptadeild HA
12.05 | Léttur hádegisverður
12.35-14.25 | BYGGÐ, SAMGÖNGUR OG ATVINNULÍF
Staða byggðar á Íslandi í dag
Jón Þorvaldur Heiðarsson, lektor við Viðskiptadeild HA
Jarðgöng á Austurlandi
Jón Þorvaldur Heiðarsson, lektor við Viðskiptadeild HA og Hjalti Jóhannesson, sérfræðingur hjá RHA
Rannsókn á arðsemi íslensks sjávarútvegs 1990-2022
Stefán B. Gunnlaugsson, prófessor við Viðskiptadeild HA
Ferðaþjónusta í íslenskum byggðum: Tækifæri og langtímavirði
Hafdís B. Hjálmarsdóttir, lektor við Viðskiptadeild HA
14.25-16.00 | BYGGÐIR, BÚSETA OG ÞJÓNUSTA
Úrgangsmál í sveitarfélögum
Guðmundur K. Óskarsson, dósent við Viðskiptadeild HA
Frá jaðri til forskots: Nýsköpun, frumkvæði og sjálfbærni sem drifkraftar byggðaþróunar
Kjartan Sigurðsson, dósent við Viðskiptadeild HA
Forysta: Ímynd bæja og byggða
Sigurður Ragnarsson, lektor og deildarforseti Viðskiptadeildar HA
Búseta, búferlaflutningar og ungt fólk: Hvaða þættir hafa áhrif á búferlaflutninga ungs fólks?
Vífill Karlsson, prófessor við Viðskiptadeild HA
16.00 | Ráðstefnuslit og hressing
Öll velkomin!