Tölvunarfræði

Langar þig að læra að forrita, þróa hugbúnað og skilja tæknina sem knýr heiminn áfram?

Tölvunarfræði við Háskólann á Akureyri er þriggja ára BS-nám sem byggir á samstarfi við Háskólann í Reykjavík. Námið sameinar öflugt námsefni HR og sterkt námssamfélag við HA.

Kennsla fer fram í HA í sveigjanlegu námsformi. Þú horfir á fyrirlestra á netinu og mætir vikulega í verkefnatíma þar sem kennari er á staðnum. Nemendur hafa gott aðgengi að kennurum bæði við HA og HR.

Einnig er í boði:

Diplómanámið hentar þeim sem vilja byggja upp trausta þekkingu á styttri tíma eða þeim sem þegar hafa lokið háskólagráðu og vilja bæta við sig BS-gráðu í tölvunarfræði á tveimur árum.

Er námið fyrir þig?

Langar þig að þróa hugbúnað eða tölvuleiki?
Hefur þú áhuga á gervigreind og nýrri tækni?
Finnst þér spennandi að vinna með gögn og netkerfi?
Vilt þú læra að forrita vef- og hugbúnaðarlausnir?
Nýtur þú þess að leysa flókin og skapandi verkefni?

Áherslur námsins

Í tölvunarfræði er lögð áhersla á að byggja upp sterka undirstöðu í forritun og helstu kjarnasviðum greinarinnar. Markmiðið er að þú öðlist bæði fræðilega dýpt og hagnýta færni sem nýtist í fjölbreyttum verkefnum.

Helstu áherslur eru:

Forritun og hugbúnaðarþróun
Hugbúnaðarhönnun og kerfisgreining
Stýrikerfi og netkerfi
Gagnasöfn og gagnavinnsla
Lausnamiðuð hugsun og verkefnavinna

Þú getur valið um tvær námslínur:

Almenn tölvunarfræði
Tölvunarfræði með viðskiptafræði sem aukagrein

Í náminu er lögð áhersla á jafnvægi milli fræðilegrar undirstöðu og hagnýtrar þekkingar á nýjustu tækni og aðferðum.

Þú getur smellt hér og lesið meira um skipulag námsins á vef Háskólans í Reykjavík eða skoðað námslínurnar hér (pdf).

Sveigjanlegt nám

Námið er þriggja ára fullt nám (180 ECTS).

Kennsla fer fram í HA í sveigjanlegu námsformi. Fyrirlestrar eru aðgengilegir á netinu og þú mætir vikulega í verkefnatíma þar sem kennari er á staðnum. Þar vinnur þú verkefni, færð leiðsögn og tengist samnemendum.

Nemendur hafa gott aðgengi að kennurum bæði við HA og HR.

Athugið að fullt háskólanám jafngildir að jafnaði 50–60 stunda vinnuviku.

Nánari upplýsingar um skipulag námsins og námslýsingar má finna á vef Háskólans í Reykjavík.

Möguleikar að námi loknu

BS-gráða í tölvunarfræði veitir traustan grunn fyrir fjölbreytt störf og frekara nám, bæði hérlendis og erlendis.

Tölvunarfræðingar starfa meðal annars við:

hugbúnaðarþróun
gagnavinnslu og gagnagreiningu
net- og kerfisstjórnun
nýsköpun og tæknifyrirtæki
rannsóknir og þróun

Námið opnar einnig leiðir inn í rannsóknar- og nýsköpunarverkefni í samstarfi við fyrirtæki og rannsóknastofnanir.

Tölvunarfræði tengist fjölmörgum öðrum greinum, svo sem stærðfræði, verkfræði, sálfræði, lífupplýsingafræði og viðskiptafræði.

Félagslífið

Félagslíf er mikilvægur þáttur háskólanáms og er félagslíf nemenda við HA öflugt.

Allir stúdentar við háskólann eru í Stúdentafélagi Háskólans á Akureyri (SHA) en einnig er hver deild með sitt nemendafélag. Data er félag tölvunarfræðinema við HA og þú getur nálgast nánari upplýsingar um félagið á Facebook.

Inntökuskilyrði

Almenn krafa er að umsækjandi hafi lokið stúdentsprófi eða sambærilegu prófi.

Hér getur þú lesið meira um inntökuskilyrði Háskólans í Reykjavík.

Skiptinám

Stúdentar eiga kost á að taka hluta af námi sínu við erlenda samstarfsháskóla. Alþjóðaskrifstofa HR aðstoðar þig við að sækja um námið, húsnæði og nemendastyrk.

Þú getur smellt hér og lesið meira um skiptinám HR.

Sækja um

Þú skráir þig í námið hjá Háskólans í Reykjavík og greiðir skólagjöld samkvæmt gjaldskrá HR.

Sótt er um námið á umsóknarvef HR. Við umsókn skal velja „HA“ valkostinn.

Fara á umsóknarvef HR.

Umsagnir

Námið sjálft einkenndist sérstaklega af stórum, skemmtilegum og raunhæfum verkefnum sem eru í takt við vinnuna mína í dag. Þó kom mér mest á óvart hvað kennarar voru aðgengilegir og alltaf til í að aðstoða ef maður var fastur í verkefni.

Dagur Arinbjörn Daníelsson

Forritari hjá CCP

Krefjandi en jafnframt skemmtilegt nám sem undirbýr mann vel fyrir atvinnulífið. Frábært að geta tekið námiđ í stađnámi og vera hluti af hóp.

Hildur Andrjesdóttir

Forritari hjá Þulu

Á tímamótum í mínu lífi tók ég þá ákvörðun um að skella mér í háskóla og varð tölvunarfræði við HR fyrir valinu. Ég sé alls ekki eftir því þar sem námið uppfyllti allar mínar þarfir um krefjandi viðfangsefni, áhugasama kennara og tengsl við atvinnulífið.