Háskólinn á Akureyri auglýsir lausa til umsóknar 49% stöðu aðjúnkts í hjúkrunarfræði við námsbraut fagnáms sjúkraliða með áherslu á kennslu í öldrunar- og heimahjúkrun. Leitað er að hjúkrunarfræðingi með sérþekkingu á sviði öldrunar- og heimahjúkrunar.
Helstu verkefni og ábyrgð
Starfið felur í sér að hafa umsjón með námskeiðum í öldrunar- og heimahjúkrun, fræðilega og klíníska kennslu og stjórnun við námsbraut fagnáms sjúkraliða. Aðjúnktsstaðan er án rannsóknarskyldu. Næsti yfirmaður er deildarforseti. Starfsvettvangur er Háskólinn á Akureyri. Staðan er veitt frá og með 1. ágúst 2023. Ráðningartími er tímabundinn til tveggja ára.
Háskólinn á Akureyri er eini háskólinn á Íslandi sem býður upp á fagnám til diplómaprófs fyrir starfandi sjúkraliða. Námið er 60 ECTS eininga nám, tekið á tveimur árum og gert er ráð fyrir að nemendur starfi við sitt kjörsvið á námstímanum. Starfinu fylgir möguleiki á þátttöku í þróunarstarfi og uppbyggingu fagmenntunar heilbrigðisstétta til framtíðar auk kennslu í öldrunar- og heimahjúkrun, samfélagsgeðhjúkrun, klínískri kennslu á vettvangi og í hermisetri.
Hæfniskröfur
- Meistarapróf í hjúkrunarfræði eða heilbrigðisvísindum
- Sérmenntun á sviði hjúkrunar með áherslu á öldrunar- og heimahjúkrun og a.m.k. 2 ára starfsreynsla á því sviði
- Að minnsta kosti 2 ára klínísk reynsla á heilbrigðisstofnun og virkni í klínísku starfi
- Starf við öldrunar- og heimahjúkrun meðfram aðjúnktsstöðunni er krafa
- Reynsla af þátttöku í þverfaglegri teymisvinnu er kostur.
- Sérfræðileyfi á tengdu fræðasviði eða virk umsókn um sérfræðileyfi er kostur
- Sjúkraliðanám og viðbótarnám sjúkraliða er kostur
- Reynsla af háskólakennslu og fræðilegri og klínískri leiðbeiningu á háskólastigi er kostur
- Góð samstarfshæfni, lipurð í mannlegum samskiptum ásamt góðri færni í að miðla þekkingu
- Gott vald á íslensku og ensku, jafnt töluðu sem rituðu máli
Umsókn skal fylgja:
- Greinargott yfirlit yfir náms- og starfsferil
- Staðfest afrit af prófskírteinum og sérfræðileyfi
- Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið
- Tilnefna skal a.m.k. tvo umsagnaraðila og er æskilegt að einn þeirra sé næsti yfirmaður í núverandi eða fyrra starfi umsækjanda
Umsóknarfrestur er til og með 03.04.2023
Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.
Við ráðningu verður miðað við, að sá er starfið hlýtur falli sem best að aðstæðum og þörfum námsbrautar fagnáms sjúkraliða við Háskólann á Akureyri.
Meðferð umsókna, mat á hæfi umsækjenda og ráðning í starfið er í samræmi við ákvæði laga um háskóla nr. 63/2006, laga um opinbera háskóla nr. 85/2008 með síðari breytingum, og reglur fyrir Háskólann á Akureyri. nr. 387/2009. Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu í starfið hefur verið tekin. Háskólinn á Akureyri áskilur sér rétt til að hafna öllum umsóknum. Umsókn getur gilt í sex mánuði eftir að umsóknarfresti lýkur.
Starfshlutfall er 49%
Nánari upplýsingar veitir
Þorbjörg Jónsdóttir, Deildarforseti - torbj@unak.is - 4608477
Hafdís Skúladóttir, Námsbrautarstjóri - hafdis@unak.is - 4608456
Smelltu hér til að sækja um starfið
