Nemendur við Háskólann á Akureyri greiða ekki skólagjöld en árlegt skráningargjald er 75.000 krónur.
- Nýnemar greiða skráningargjaldið í samskiptagátt Uglu
- Stúdentar greiða skráningargjaldið í gegnum Uglu í kjölfar árlegrar skráningar
- Þú getur greitt gjaldið með einni kortagreiðslu eða með kortaláni
- Greiðslufrestur skráningargjaldsins er 5. ágúst, bæði fyrir nýnema og eldri nemendur. Með greiðslu skráningargjaldsins staðfestir þú skólavist við HA
- Óskir þú eftir að greiða skráningargjaldið eftir greiðslufrest þarft þú að hafa samband við Nemendaskrá HA til að millifæra upphæðina. Ef greitt er eftir gjalddaga reiknast 15% álag á skráningargjaldið og gjaldið verður þá 86.250 krónur
- Þér stendur til boða að greiða skráningargjaldið með 15% álagi til 15. ágúst. Ef þú greiðir ekki fyrir þann tíma er litið svo á að þú hafir afþakkað boð um skólavist
- Skráningargjald er óendurkræft
- Nánar er fjallað um skráningargjaldið í reglum háskólans
Skráningargjald ef nám hefst um áramót
Skráningargjald er 55.000 krónur ef nám hefst um áramót. Þú greiðir skráningargjaldið í gegnum Uglu. Greiðslufrestur fyrir þá sem hefja nám á vormisseri er 10. desember. Eftir þann dag reiknast 15% álag á gjaldið.
Skráningargjald öryrkja
Þeir sem hafa 75% örorkumat fá 50% skráningargjalds endurgreitt gegn framvísum á staðfestingu á örorkumati til nemendaskrár. Greiða þarf fullt skráningargjald áður en endurgreiðslu er óskað.
