Nýnemi 101

Tveir stúdentar að ræða saman innan HA

Velkomin í Háskólann á Akureyri!

Hér höfum við tekið saman það helsta sem þú þarft að gera áður en námið hefst og fyrstu dagana í HA.

Byrjaðu hér!

  1. Greiddu skrásetningargjaldið
  2. Sæktu HA-notandanafnið þitt
  3. Skráðu þig inn í Uglu
  4. Opnaðu HA-tölvupóstinn þinn
  5. Skráðu þig inn í Canvas
  6. Skoðaðu stundatöfluna þína
  7. Tengstu Eduroam svo þú komist á skólanetið
  8. Sæktu SmáUgluna
  9. Sæktu um BlueDiamond-aðgang að háskólabyggingunni

 

1. Umsókn lokið, hvað svo?


Fylgstu með umsókninni þinni. 

Þú fylgist með stöðu umsóknarinnar í samskiptagátt HA og þar greiðir þú skrásetningargjaldið. Þegar þú hefur greitt það getur þú einnig sótt HA-notandanafnið þitt.

Opna samskiptagátt HA

Hér getur þú fundið svör við helstu spurningum sem vakna við umsóknarferlið.

2. Sæktu HA-notandanafnið þitt


Þegar þú hefur greitt skrásetningargjaldið getur þú sótt HA-notandanafnið þitt. Með því færðu aðgang að Uglu, HA-tölvupósti og Canvas.

  1. Skráðu þig inn í samskiptagátt Uglu
    Notaðu viðeigandi leið til að skrá þig inn
  2. Veldu „Sækja notandanafn fyrir Uglu“
    Þú finnur græna hnappinn undir Yfirlit umsókna.
  3. Vistaðu notandanafnið og lykilorðið
    Notandanafnið og lykilorðið birtast í glugga. Skráðu upplýsingarnar hjá þér áður en þú lokar glugganum.
  4. Settu upp tveggja þátta auðkenningu
    Þú þarft tveggja þátta auðkenningu til að geta skráð þig inn í kerfi HA.
    Leiðbeiningar um tveggja þátta auðkenningu
  5. Skráðu þig inn í Uglu
    Notaðu HA-netfangið þitt (notandanafn@unak.is) og lykilorðið sem þú fékkst.
  6. Breyttu lykilorðinu þínu
    Þegar þú hefur skráð þig inn í Uglu skaltu breyta upphaflega lykilorðinu.

HA-notandanafnið opnar fleiri kerfi

Með HA-notandanafninu færðu einnig aðgang að HA-tölvupósti og Canvas. Tölvupóstinn finnur þú í Uglu eða Microsoft 365.

3. Kynntu þér Uglu


Ugla er heimasvæðið þitt hjá HA. Þar finnur þú meðal annars:

  • stundatöfluna þína
  • námskeiðin þín
  • bókalista
  • tilkynningar
  • próftöflu og prófstaðinn þinn

Mikilvægt að gera í Uglu

  • Staðfesta skráningu námskeiða á hverju misseri
  • Skrá þig úr námskeiðum/prófum
  • Skrá þig til brautskráningar
  • Skrá þig í endurtökupróf

Sjá dagsetningar fyrir skráningar og breytingar.

4. Settu HA-tölvupóstinn upp


Þegar þú færð HA-notandanafn færðu einnig netfangið notandanafn@unak.is. Mikilvægar upplýsingar um námið eru sendar á HA-netfangið þitt og því skaltu fylgjast reglulega með því.

Opna HA-tölvupóstinn

5. Skráðu þig inn í Canvas


Canvas er námsumsjónarkerfið sem þú notar í náminu. Þar finnur þú meðal annars námsefni, verkefni og upplýsingar frá kennurum.

Notandanafn: HA-netfangið þitt
Lykilorð: Sama lykilorð og þú notar í Uglu

Opna Canvas

6.  Mættu á nýnemadaga og skoðaðu stundatöfluna


Í lok ágúst er öllum nýnemum Háskólans á Akureyri boðið á Nýnemadaga. Þar færðu mikilvægar upplýsingar fyrir námið, kynnist HA og hittir samnemendur þína.

Þú finnur stundatöfluna þína í:

  • Ugla → Uglan mín → Stundataflan mín

7. Tengstu þráðlausa netinu


Þráðlausa netið eduroam er í boði í húsnæði Háskólans á Akureyri. Þú getur tengt bæði tölvu og síma við netið með HA-aðganginum þínum.

Til að tengjast eduroam:

  1. Veldu eduroam í lista yfir þráðlaus net
  2. Skráðu inn HA-netfangið þitt (notandanafnið@unak.is)
  3. Sláðu inn sama lykilorð og þú notar í Uglu.

Þegar þú hefur tengst eduroam ætti tækið þitt að tengjast netinu sjálfkrafa næst þegar þú kemur í HA.

Gott að vita:

Eduroam er alþjóðlegt þráðlaust net fyrir háskóla og rannsóknastofnanir. HA-aðgangurinn þinn getur því einnig veitt þér aðgang að eduroam hjá öðrum háskólum.

8. Sæktu SmáUgluna


Með SmáUglunni hefur þú stundatöfluna, námskeið, tilkynningar og próftöflu við höndina í símanum.

9. Fáðu rafrænan aðgang að HA


Með BlueDiamond appinu færðu rafrænan aðgang að húsnæði Háskólans á Akureyri utan hefðbundins opnunartíma. Þú notar símann þinn til að opna inngang í A og G hús, sjá kort.

Til að sækja um aðgang:

  1. Sendu tölvupóst frá HA-netfanginu þínu á kort@unak.is og láttu eftirfarandi upplýsingar fylgja: Fullt nafn og kennitala án bandstriks
  2. Þegar aðgangurinn þinn er tilbúinn færðu tvo tölvupósta: Annar er með leiðbeiningum um hvernig á að sækja og virkja appið og hinn er með kóða til að virkja appið
  3. Greiddu 2.500 kr. fyrir aðganginn í Kaffi Borg og sendu mynd af greiðslustaðfestingunni á kort@unak.is 

Gott að vita:

Appið veitir þér einnig aðgang að líkamsræktarsal HA.

Ef appið er ekki notað í 120 daga þarf að senda tölvupóst á kort@unak.is og óska eftir endurvirkjun.

10. Fleira sem nýtist þér í náminu


Sem stúdent við HA hefur þú aðgang að ýmsum kerfum og hugbúnaði sem nýtist þér í náminu.

Microsoft 365 og OneDrive

Með HA-aðganginum þínum færðu aðgang að Office 365, þar á meðal Word, Excel, PowerPoint, Teams og OneDrive. Þú getur notað forritin í vafra eða sett þau upp á eigin tölvu.

Í OneDrive getur þú vistað skjöl og önnur gögn og nálgast þau úr mismunandi tækjum.

Prentaðu í HA

Þú getur prentað úr eigin tölvu eða síma í prenturum skólans. Til þess þarftu að skrá þig inn í prentkerfið með HA-aðganginum þínum. Þú getur keypt prentkvóta hjá nemendaskrá og bókasafni HA.

Tengstu HA með VPN

Með VPN-tengingu getur þú tengst netkerfi HA þegar þú ert utan háskólans. VPN getur verið nauðsynlegt til að komast í ákveðin kerfi og þjónustu sem annars eru aðeins aðgengileg á háskólanetinu.

11. Aðstaða og lífið í HA


Í HA er ýmis aðstaða sem þú getur nýtt þér í náminu og á milli tíma. Þar er lesaðstaða stúdenta og hópavinnuherbergi, ásamt matsölu, bókasafni, nemendaráðgjöf og líkamsrækt.

Líkamsræktarsalur HA

Stúdentar hafa aðgang að líkamsræktarsal HA. Þar er jóga tvisvar í viku og fjölbreyttur búnaður til styrktar- og þolþjálfunar.

Þú notar BlueDiamond-appið til að komast inn í salinn.

Æfingaprógrömm

Viltu fá hugmyndir að æfingum? Þú getur nálgast tilbúin æfingaprógrömm sem eru sérstaklega sett saman fyrir aðstöðuna í líkamsræktarsal HA.

12. Þarftu aðstoð?


Ekki hika við að hafa samband ef þú þarft aðstoð eða ert ekki viss hvert þú átt að leita.

Tölvu- og tækniaðstoð

Lendir þú í vandræðum með Uglu, HA-aðganginn, tölvupóst, Canvas, WiFi eða önnur tölvukerfi? Hafðu samband við tölvuþjónustu HA.

Spurningar um námið

Ef þú ert með spurningar um námskeið, námsframvindu eða skipulag námsins getur þú leitað til Nemendaráðgjafar eða starfsfólks deildarinnar þinnar.

Þjónustuborð HA

Á þjónustuborðinu getur þú fengið aðstoð og upplýsingar um ýmis praktísk mál sem tengjast náminu og daglegu lífi í HA.

Glæsilegt!

Nú ættir þú að vera klár í fyrstu dagana í HA. Ef eitthvað er enn óljóst er alltaf hægt að leita til okkar eftir aðstoð.

Við hlökkum til að taka á móti þér og óskum þér góðs gengis í náminu!