Diplómanám í starfstengdri leiðsögn

Er námið fyrir þig?

Hefur þú áhuga á að bæta við þekkingu þína?
Langar þig að efla skólastarf?
Vilt þú stuðla að skólaþróun og árangursríku skólastarfi?
Hefur þú áhuga á að byggja upp fagmennsku í lærdómssamfélagi?
Vilt þú veita nýliðum stuðning og leiðsögn fyrstu árin í kennarastarfinu?

Áherslur námsins

Sérhæfing í starfstengdri leiðsögn er 30 ECTS einingr nám á meistarastigi og lýkur með diplómu. Markmið þess er að auka þekkingu, leikni og hæfni kennara á móttöku og leiðsögn nema og nýliða í kennslu og forystu þar um.

Þú getur skoðað skipulag námsins í Uglu, kennsluvef háskólans.

Fyrirkomulag námsins

Námið er 30 ECTS einingar á meistarastigi, þrjú 10 ECTS námskeið alls. Kennarar geta einnig valið að taka stök námskeið af sérhæfingunni sem hagnýta endurmenntun.

Styrkir

Starfandi kennari sem leggur stund á diplómanám í starfstengdri leiðsögn við HA getur sótt um styrk þegar staðfesting liggur fyrir að hann hafi lokið fyrsta námskeiði í námslínu (fyrri hluti) og þegar hann hefur lokið námi (seinni hluti). Styrkurinn er ígildi innritunargjalds opinberra háskóla í að hámarki tvö skólaár.

Forsenda styrkveitingar er að skólastjóri styðji umsókn viðkomandi kennara í námið. Umsókninni þarf m.a. að fylgja staðfesting skólastjórnanda á að umsækjandi sé starfandi kennari við viðkomandi skóla og að skólastjóri telji mikilvægt að viðkomandi kennari sérhæfi sig í starfstengdri leiðsögn.

Möguleikar að námi loknu

Nám í menntavísindum hentar sérstaklega vel þeim sem hafa reynslu af fræðslustörfum og vilja dýpka þekkingu sína og efla sig í starfi .

Viðbótarnámi í menntavísindum er ætlað að styrkja nemendur til þess að takast á við störf í menntakerfinu sem krefjast framhaldsmenntunar á sviði menntavísinda. Jafnframt eykur það hæfni til að stunda frekara nám.

Inntökuskilyrði

Almenn krafa er að nemendur hafi lokið grunnnámi á háskólastigi og fengið að minnsta kosti aðra einkunn í meðaleinkunn.

Hér getur þú lesið meira um inntökuskilyrði háskólans.