Þú þarft að staðfesta skráningu í námskeið í Uglu eða á þjónustuborði nemendaskrár. Ef þú staðfestir ekki námskeið verður þú skráð/ur úr því, námsferli þínum lokað og þá getur þú ekki tekið próf.
- Þú þarft að staðfesta námskeið á haustmisseri (og breyta vali ef þú vilt) frá upphafi misseris til 15. september
- Þú þarft að staðfesta námskeið á vormisseri frá upphafi misseris til 20. janúar
Skráning úr námskeiðum og prófum
Frestur til þess að skrá sig úr námskeiðum haustmisseris rennur út þann 1. nóvember og 1. apríl fyrir vormisseri. Skráning úr námskeiði er einnig skráning úr prófi.
Þú skráir þig úr námskeiðum í Uglu undir Uglan mín > Námskeiðin mín > Fyrir aftan hvert námskeið er tákn fyrir úrsögn úr námskeiði. Athugaðu að staðfesta þarf valið svo úrsögn taki gildi. Breytingar á námskeiðaskráningu koma fram í stundatöflu eftir þrjá klukkutíma.
Árleg skráning í námskeið næsta skólaárs
Í mars á hverju ári þarft þú að skrá þig í áframhaldandi nám. Þú gerir það með því að skrá þig í námskeið næsta skólaárs í Uglu. Það er mjög mikilvægt að sinna skráningunni þar sem hún jafngildir skráningu í skólann.
Þú skráir þig með því að smella á borðann sem birtist í Uglu. Um leið þarft þú að greiða skráningargjaldið til að staðfesta skráninguna, með eingreiðslu eða með kortaláni. Skráir þú þig ekki er litið svo á að þú sért hætt/ur námi.
Mundu eftir að staðfesta valið með því að smella á „Vista“ neðst á síðunni.
Stúdentar geta sjálfir breytt skráningu í námskeið til 15. september fyrir haustmisseri og til 20. janúar fyrir vormisseri.
Brautskráning
Skráning í Uglu vegna brautskráningar í júní er á tímabilinu janúar til mars.
Kannaðu hvort þú hafir staðist allar kröfur sem gerðar eru til útskrifar áður en þú skráir þig.
