Vettvangsnám

Vettvangsnám og æfingakennsla er mikilvægur þáttur í kennaranámi. Ábyrgðin er ekki aðeins háskólans heldur einnig fagstéttarinnar sjálfrar og leik-, grunn- og framhaldsskóla. 

Kennaranám er þáttað þekkingu og færni og sá vefur er afgerandi fyrir velferð nemans eftir að út í starf er komið. Þessir tveir þættir námsins eiga að spegla hvorn annan þannig að þekking úr námskeiðum sé starfsgerð og neminn færi með sér til baka í nám sitt nýja reynslu.

Þetta leggur grunninn að hæfni kennaranemans til að þroska faglega og kennslufræðilega ígrundun. Til þess að svo megi verða þarf öflugt samstarf starfsþróunarskóla og kennaradeildar þar sem viðurkennt er að hagsmunir samstarfsaðila eru gagnkvæmir. Vettvangsnám og æfingakennsla gera kröfur til sjálfstæðis og ábyrgðar nemans sjálfs í náminu. Leiðbeining frá bæði leiðsagnarkennara og öðrum kennurum starfsþróunarskólans er jafnframt lykilatriði í að þróa starfshæfni nemans. Leitast er við að nemar fari ekki oft í sama skóla meðan á kennaranáminu stendur.

Gert er ráð fyrir að vettvangsnám kennaranema í fimm ára námi við kennaradeild fari fram í fimm hlutum:

  1. Á fyrsta ári, haustmisseri, er skólaheimsókn í tengslum við skólafræðinámskeið. Nemar dvelja í tvo daga á vettvangi. Í þessum heimsóknum er lögð áhersla á að nemar fái sýn yfir valda þætti skólastarfs og kynnist skólanum sem væntanlegum vinnustað.
  2. Á öðru ári, haustmisseri, fara nemar á vettvang í viku og tengist námið völdum námskeiðum misseris. Áætlað er að vettvangsnámið fari fram í skólum utan þéttbýlis með áherslu á samkennsluskóla.
  3. Á öðru ári, vormisseri, fara nemar á vettvang í eina viku og tengist námið völdum námskeiðum misseris. Markmiðið með heimsóknum á öðru ári er að nemar fylgist með kennslu, skoði verklag, kennsluaðferðir og vinnu með börnum/nemendum.
  4. Á þriðja ári, vormisseri, fara nemendur í sex eininga vettvangsnám í skóla í tíu daga. Námið á vettvangi beinist að meginhluta til að starfi og samskiptum í kennslurýminu, áætlanagerð og mati á árangri. Vettvangsnámið er í raun sambland af aðstoðarkennslu og æfingakennslu. Þess er vænst að nemi kynnist því hvað felst í daglegu starfi kennara með börnum/nemendum, tengslum fræða og starfs og hvernig má mæta mismunandi þörfum einstaklinga svo eitthvað sé nefnt. Ennfremur fær hann kennslureynslu. Þriðja árið í íþróttafræðum er að mestu kennt á vettvangi.
  5. Á fimmta ári, haustmisseri, er þrjátíu eininga vettvangsnám og æfingakennsla og stendur alla önnina. Fimm fyrstu vikurnar eru nemar í vettvangsnámi, VEN1510, og síðan tíu vikur í æfingakennslu, ÆFK1520, í sama skóla og kenna sem nemur tuttugu kennslustundum/800 mínútum á viku.

Nemar með BA/BS gráðu ljúka 120 eininga kennaranámi á tveimur árum

Nemendur sem innritast í MEd nám og stefna að réttindum til kennslu í leik- og grunnskóla taka námskeiðin VEN1510 og ÆFK1520, samanber lið 5 hér fyrir ofan. Nemendur sem stefna að kennslu í framhaldsskóla geta ekki tekið þau námskeið á því skólastigi. Í þess stað geta þeir valið um tvær leiðir:

  • Að taka námskeiðin VEN1510 og ÆFK1520 á unglingastigi í grunnskóla.
  • Að taka námskeiðið VÆK1510 (vettvangsnám og æfingakennsla) í framhaldsskóla og jafnframt 20 bóklegar einingar á meistarastigi að eigin vali, innan eða utan HA. VÆK1510 er í boði á bæði haust- og vormisseri.

Nemar sem innritast í diplómanám í leikskólafræðum ljúka 120 einingum á tveimur árum

  • Á 1. ári fara nemar á vettvang í tvo daga á haustmisseri (liður 1). Auk þess fara nemendur í sex eininga vettvangsnám á vormisseri. Þar eru nemar í leikskóla í tíu daga. Námið á vettvangi beinist að meginhluta til að starfi og samskiptum inni á deild. Þess er vænst að nemi kynnist því hvað felst í daglegu starfi kennara með börnunum, tengslum fræða og starfs, samskiptum og hvernig má mæta mismunandi þörfum barnanna svo eitthvað sé nefnt.
  • Á 2. ári fara nemar á haustmisseri og vormisseri á vettvang í tengslum við tiltekin námskeið misseris (liður 2 og 3). Auk þess fara nemendur í sex eininga vettvangsnám og æfingakennslu á haustmisseri (liður 4).

Sérstakur starfsþróunarsamningur er gerður milli leik- og grunnskóla og Háskólans á Akureyri um framkvæmd vettvangsnáms og æfingakennslu.

Starfsþróunarskólar í samstarfi við Háskólann á Akureyri

 Grunnskólar

Akurskóli Reykjanesbæ
Álfhólsskóli, Kópavogi
Barnaskóli Eyrarbakka og Stokkseyrar
Barnaskóli Hjallastefnunnar Reykjavík
Borgarhólsskóli Húsavík
Brekkuskóli Akureyri
Dalvíkurskóli
Egilsstađaskóli
Fellaskóli Fellabæ
Giljaskóli Akureyri
Glerárskóli Akureyri
Grenivíkurskóli
Grunnskóli Bakkafjarðar
Grunnskóli Bolungarvíkur
Grunnskóli Borgarfjarðar
Grunnskóla Fáskrúðsfjarðar
Grunnskóli Grindavíkur
Grunnskóli Seltjarnarness
Grunnskóli Snæfellsbæjar
Grunnskólinn í Stykkishólmi
Grunnskólinn austan Vatna
Heiðarskóli Reykjanesbæ
Hlíðarskóli Akureyri
Hrafnagilsskóli Eyjafjarðarsveit
Hvolsskóli Hvolsvelli
Kársnesskóli í Kópavogi
Kópavogsskóli
Lágafellsskóli Mosfellsbæ
Lundarskóli Akureyri
Naustaskóli Akureyri
Oddeyrarskóli Akureyri
Síðuskóli Akureyri
Stórutjarnaskóli
Vallaskóli Selfossi
Vopnafjarðarskóli
Þelamerkurskóli Hörgársveit

 Leikskólar

Barnaból Þórshöfn
Grænuvellir Húsavík
Hólmasól Akureyri
Hulduheimar Akureyri
Iðavöllur Akureyri
Kæribær Fáskrúðsfirði
Leikskólinn Krummakot Eyjafjarðarsveit
Leikskólinn Lyngholt Reyðparfirði
Lundarsel Akureyri
Tjarnaskógur Egilsstöðum

 Leikskólar Garðabæjar

Alþjóðaskólinn Íslandi - 5 ára bekkur
Akrar
Ásar
Bæjarból
Barnaskóli Hjallastefnunnar - leikskóladeild fyrir 5 ára börn
Flataskóli - 5 ára bekkur
Holtakot
Hæðarból
Kirkjuból
Krakkakot
Litlu Ásar
Lundaból
Sjáland
Sunnuhvoll

Nánari áætlanir um vettvangsnám og æfingakennslu eru í kennsluáætlun hvers námskeiðs.