Starfsráðgjöf

Miðstöð náms- og starfsráðgjafar heldur utan um starfsráðgjöf til nemenda.

Náms- og starfsráðgjafar bjóða nemendum upp á:

Áhugakönnun

Náms- og starfsráðgjafar veita upplýsingar og ráðgjöf varðandi áhugasviðsgreiningar. Jafnframt stendur nemendum og þeim sem hyggja á háskólanám til boða að taka áhugasviðskönnun gegn vægu gjaldi.

Námskeið um gerð ferilskrár

Leiðsögn varðandi gerð ferilskrár og kynningarbréfa, undirbúning fyrir atvinnuviðtöl sem og aðra þætti umsóknarferlisins.

Undirbúning fyrir atvinnuleit

Góður undirbúningur fyrir atvinnuleit er lykill að velgengni. Í því ferli er mikilvægt að huga að þáttum eins og eigin styrkleikum og hæfni, markmiðum, áhuga, hindrunum, stefnu og reynslu.

  • Fyrirlesturinn er í vefútgáfu (í vinnslu)

Einstaklingsviðtöl

Náms- og starfsráðgjafi getur aðstoðað nemendur í því mikilvæga ferli sem tekur við eftir brautskráningu frá HA. Leiðsögn varðandi þróun starfsferils, gerð ferilskrár og kynningarbréfa, undirbúning fyrir atvinnuviðtöl eða aðra þætti umsóknarferlisins.

Athugið að mikilvægt er að skoða fyrirlesturinn um ferilskrár áður en þú kemur í viðtal.

 

Áhugakönnun – Bendill

Áhugakannanir eru notaðar til að aðstoða fólk við að taka ákvarðanir um nám og störf. Bendill III er sérstaklega hannaður fyrir einstaklinga sem eru að velta fyrir sér námi á háskólastigi.

Nemendum og þeim sem hyggja á háskólanám býðst að taka áhugakönnunina gegn vægu gjaldi.

  • Gjald fyrir Bendil áhugakönnun er kr. 6000

Þau sem ekki eru staðsett á Akureyri geta óskað eftir könnun og viðtali í fjarbúnaði, til dæmis Zoom eða í fjærveru.

Hvernig fer könnunin fram?

  • Könnunin er lögð fyrir á Miðstöð náms- og starfsráðgjafar.
  • Þú notar eigin tölvu til að taka könnunina. Ef það gengur ekki getum við gert aðrar ráðstafanir.
  • Þú hefur aðgang að náms- og starfsráðgjafa á meðan fyrirlögn stendur ef einhverjar spurningar vakna.
  • Þú færð svo myndrænar niðurstöður að svörun lokinni sem unnið er úr í viðtali við náms- og starfsráðgjafa strax á eftir.
  • Gera má ráð fyrir klukkustund í fyrirlögn og viðtal.

 

Þú getur haft samband við okkur í síma eða sent póst á radgjof@unak.is til að fá nánari upplýsingar og pantað tíma.

Gagnlegir vefir í starfsráðgjöf

Hér eru dæmi um vefi sem auglýsa störf og/eða taka við umsóknum:

Aðrir gagnlegir vefir