Þetta fjögurra ára nám er fyrir þau sem vilja ljúka bæði viðskiptafræði og sjávarútvegsfræði. Að námi loknu hefur þú tvær BS-gráður og einstaka blöndu af þekkingu á rekstri, fjármálum, markaðsmálum og nýtingu sjávarauðlinda.
Námið hentar sérstaklega þeim sem vilja starfa þar sem viðskipti og auðlindir mætast, hvort sem er í sjávarútvegi, fjármálum, nýsköpun eða alþjóðlegu viðskiptaumhverfi.
Námið sameinar kjarnagreinar viðskiptafræði og sjávarútvegsfræði og veitir þér breiða og hagnýta menntun.
Þú lærir að:
Mikil áhersla er lögð á raunhæf verkefni í samstarfi við fyrirtæki og stofnanir. Þú vinnur bæði einstaklings- og hópverkefni og þjálfar gagnrýna hugsun og sjálfstæð vinnubrögð.
Þú getur skoðað skipulag námsins í Uglu, kennsluvef háskólans:
Grunnnám við HA er sveigjanlegt og hentar bæði stað- og fjarnemum. Allir fylgja sömu námskrá og sömu kröfum.
Flestir fyrirlestrar eru teknir upp og aðgengilegir á kennsluvef, þannig að þú getur horft á þá þegar þér hentar. Fjarnemar taka þátt í umræðum og verkefnavinnu á kennsluvef. Okkur þykir samt frábært að fá tækifæri til að hitta þig í háskólanum.
Um miðbik hvers misseris er námslota á Akureyri þar sem gert er ráð fyrir mætingu. Þar er lögð áhersla á verkefnavinnu og umræður og gefst tækifæri til að hitta kennara og samnemendur og tengjast enn betur háskólasamfélaginu þínu.
Athugið að fullt háskólanám jafngildir að jafnaði 50–60 stunda vinnuviku.
Hér getur þú lesið meira um sveigjanlega námið og séð hvenær námslotur eru.
Með tvær gráður býrðu yfir víðtækri menntun sem nýtist á mörgum sviðum.
Starfsvettvangur getur verið hjá:
Menntunin hentar einnig vel þeim sem vilja reka eigið fyrirtæki eða starfa erlendis.
Námið er jafnframt sterkur grunnur fyrir framhaldsnám, bæði hérlendis og erlendis.
Félagslíf er mikilvægur þáttur háskólanáms og er félagslíf nemenda við HA öflugt.
Allir nemendur við háskólann eru í Stúdentafélagi Háskólans á Akureyri (SHA) en einnig er hver deild með sitt nemendafélag. Reki er félag viðskiptafræðinema og Stafnbúi er félag nemenda við auðlindadeild.
Til að sækja um þarft þú að uppfylla eitt af eftirfarandi:
Námið byggir að hluta á raungreinum, þar sem líffræði, efnafræði og stærðfræði eru kjarnagreinar. Hafi umsækjandi ekki lokið einingum í þessum greinum er mælt með undirbúningsnámskeiðum í efnafræði og stærðfræði. Símenntun HA býður upp á slík námskeið í lok ágúst.
Undanþágur:
Umsækjendur 25 ára og eldri sem ekki uppfylla almenn inntökuskilyrði en hafa lokið að lágmarki 90 einingum (130 fein) á framhaldsskólastigi geta sótt um undanþágu.
Hér getur þú lesið meira um inntökuskilyrði háskólans og undanþágur.
Allir nemendur eiga kost á að taka hluta af námi sínu við erlenda samstarfsháskóla. Þú færð niðurfellingu á skólagjöldum gestaskólans og greiðir eingöngu innritunargjald í HA. Alþjóðafulltrúi aðstoðar þig við að sækja um námið, húsnæði og nemendastyrk.
Að geta bætt við sig einu ári og útskrifast sem sjávarútvegs- og viðskiptafræðingur er magnað! Það opnar ekki bara fleiri möguleika í áframhaldandi nám heldur er það einnig góður undirbúningur fyrir það sem koma skal í atvinnulífinu.
Herdís er verkefnastjóri fyrir líftækni og sjávarútvegsfræði. Hún tekur vel á móti þér og svarar þeim fyrirspurnum sem þú kannt að hafa. Meira um Herdísi.