Upplýsingar vegna umsóknar geta verið einstaklingsbundnar. Ef þú finnur ekki spurninguna þína og svar við henni getur þú sent fyrirspurn til nemendaskrár.
Hvernig virkar rafræna umsóknarkerfið?
Sótt er um í Háskólann á Akureyri á rafrænan hátt. Allir umsækjendur byrja á að stofna aðgang að samskiptagátt HA. Þar er skráð netfang, búið til lykilorð og stofnaður aðgangur. Ef sótt er um oftar en einu sinni gildir einungis nýjasta umsóknin.
Umsókn lokið, hvað svo?
Háskólinn á Akureyri tekur á móti skönnuðum afritum af staðfestum gögnum um fyrra nám umsækjenda sem gild fylgigögn með umsókn um nám við HA.
Umsóknir eru ekki teknar til afgreiðslu nema að þeim fylgi afrit af staðfestum gögnum um fyrra nám eða umsækjandi gefi HA leyfi til að sækja stúdentsskírteini beint í Innu. Skönnuð afrit af staðfestum gögnum má hengja við umsóknina (á .pdf-sniði) eða senda þau í tölvupósti á nemskra@unak.is.
Þá má einnig senda gögn á pappír í bréfapósti á:
Háskólinn á Akureyri
b.t Nemendaskrá
Norðurslóð 2
600 Akureyri
Athugið að ljósmyndir (sem dæmi .jpg-snið eða .png-snið) af skírteinum er ekki teknar gildar.
Skönnuð prófskírteini skulu vera í frumriti eða staðfest afrit með stimpli frá viðkomandi skóla.
HA áskilur sér rétt til að kalla eftir frumritum prófskírteina áður en umsókn er tekin til afgreiðslu.
Hvar er umsóknin mín stödd?
Þú fylgist með stöðu umsóknar þinnar á samskiptagátt HA.
Hvenær veit ég hvort ég fæ skólavist eða ekki?
Leitast verður við að svara umsóknum í lok júní. Þú getur fylgst með stöðu umsóknar í samskiptagátt HA.
Þú staðfestir skólavistina með því að greiða skráningargjaldið:
- Nýnemar greiða skráningargjald í samskiptagátt Uglu.
- Núverandi stúdentar greiða skráningargjaldið í Uglu í kjölfar árlegrar skráningar í námskeið næsta skólaárs.
Þú þarft að hafa samband við nemendaskrá HA til að óska eftir að fá sendan greiðsluseðil í heimabanka. Skráningargjald er ekki endurgreitt.
Hvenær byrjar háskólinn?
Nokkur munur getur verið milli námsbrauta hvenær kennsla hefst.
- Kennsla haustmisseris hefst að jafnaði í lok ágúst eða byrjun september
- Kennsla vormisseris hefst í byrjun janúar
- Stundaskrá birtist i Uglu að jafnaði mánuði fyrir upphaf misseris
Kynntu þér kennslualmanakið þar koma fram helstu dagsetningar vegna námsins.
Hver er þessi Ugla?
Ugla er upplýsinga- og skráningarkerfi Háskólans á Akureyri. Hún er þitt svæði á innraneti. Þú færð aðgang að Uglu eftir að skólavist er samþykkt.
Hvenær eru jóla- og páskaleyfi?
- Jólaleyfi er frá og með 21. desember til og með 2. janúar
- Páskaleyfi frá og með miðvikudegi fyrir skírdag til og með þriðja í páskum
- Auk þessara leyfa er kennsluhlé sumardaginn fyrsta, 1. maí og 1. desember
Hvernig skila ég inn fylgigögnum?
Háskólinn á Akureyri mun frá og með haustmisseri 2020 taka skönnuð afrit af staðfestum gögnum um fyrra nám umsækjenda sem gild fylgigögn.
Mismunandi fylgigögn gilda fyrir hverja námsleið:
- Kynnið ykkur vel hvaða göng þurfa að fylgja með umsókninni.
- Einnig er mikilvægt að kynna sér inntökuskilyrði hverrar námsleiðar og hvernig umsóknum er forgangsraðað vegna mikillar ásóknar.
Umsóknir eru ekki teknar til afgreiðslu nema að þeim fylgi afrit af staðfestum gögnum um fyrra nám eða umsækjandi gefi HA leyfi til að sækja stúdentsskírteini beint í Innu. Skönnuð afrit af staðfestum gögnum má hengja við umsóknina (á pdf-sniði) eða senda þau í tölvupósti á nemskra@unak.is. Þá má einnig senda gögn á pappír í bréfapósti á:
Háskólinn á Akureyri
b.t Nemendaskrá
Norðurslóð 2
600 Akureyri
Athugið að ljósmyndir (sem dæmi .jpg-snið eða .png-snið) af skírteinum er ekki teknar gildar.
Skönnuð prófskírteini skulu vera í frumriti eða staðfest afrit með stimpli frá viðkomandi skóla.
HA áskilur sér rétt til að kalla eftir frumritum prófskírteina áður en umsókn er tekin til afgreiðslu.
