Háskólinn á Akureyri er fyrsti háskólinn á Íslandi sem býður upp á fagnám til diplómaprófs fyrir starfandi sjúkraliða. Um er ræða tveggja ára sveigjanlegt nám sem er skipulagt þannig að nemandi sé í starfi samhliða því.
Námið er ætlað sjúkraliðum sem vilja auka þekkingu sína og efla starfshæfni í heimahjúkrun eða á sérhæfðum deildum fyrir aldraða.
Næst verður innritað í námið 2023
Einnig er í boðið upp á kjörsviðið samfélagsgeðhjúkrun.
Meginmarkmið námsins er að styrkja og auka þekkingu og færni starfandi sjúkraliða á eðlilegum öldrunarbreytingum, áhrifum öldrunartengdra sjúkdóma og bjargráðum við þeim.
Áhersla er á persónumiðaða nálgun í heildrænni umönnun aldraðra einstaklinga og fjölskyldna þeirra. Náminu er ætlað að bæta þekkingu á notkun mismunandi aðferða til samskipta og tryggja þannig gæði í meðferð og fræðslu.
Námið veitir þekkingu á skipulagi og virkni þjónustukerfa sem eru í boði fyrir þennan aldurshóp, auk notkunar velferðartækni og þátttöku í teymisvinnu.
Ljúka þarf öllum námskeiðum fyrsta árs áður en nám á seinna árinu hefst. Hámarkstími til að klára námið eru 3 ár.
Fagnám til diplómaprófs fyrir starfandi sjúkraliða er ný námsbraut í íslensku menntakerfi. Það opnar á möguleika fyrir sjúkraliða að takast á við fjölþættari störf og aukna ábyrgð.
Námið eflir sjúkraliða til að taka þátt í fjölbreyttri teymisvinnu með markvissum hætti.
Námið er áskorun fyrir sjúkraliða sem verða virkir þátttakendur í að móta nýjar starfsleiðir innan heilbrigðis- og velferðarkerfisins.
Félagslíf er mikilvægur þáttur háskólanáms og er félagslíf nemenda við HA öflugt.
Allir nemendur við háskólann eru í Stúdentafélagi Háskólans á Akureyri (SHA) en einnig er hver deild með sitt nemendafélag. Eir er félag heilbrigðisvísindanema og þú getur nálgast nánari upplýsingar um félagið á Facebook.
Krafa er að umsækjandi hafi lokið sjúkraliðanámi og hafi gilt starfsleyfi frá Embætti landlæknis.
Umsækjandi þarf að starfa við öldrunar- og heimahjúkrun á meðan náminu stendur. Vinnuskylda á námstímanum utan vettvangsnáms er að lágmarki 2 mánuðir í 100% starfi.
Gögn sem þurfa að fylgja umsókn:
Opið verður næst fyrir umsóknir í námið 2023. Námspláss er fyrir 20 nemendur og lágmarksfjöldi er 10.
Við viljum benda á að ef fjöldi umsækjenda sem uppfyllir almenn inntökuskilyrði fer yfir fjöldaviðmið verður umsóknum forgangsraðað á eftirfarandi hátt:
Umsækjendum verður svo raðað upp samkvæmt samlagningu þessa þátta og teknir inn í þeirri röð.
Fagnám til diplómaprófs geta nemendur stundað óháð búsetu. Allir fylgja sömu námskrá og námskröfur eru þær sömu.
Fyrirlestrar eru teknir upp og settir á kennsluvef ásamt öðru námsefni.
Skylda er að koma 1-2 sinnum á misseri í stuttar námslotur til Akureyrar.
Á seinna árinu er einnig klínískt nám á hvoru misseri, í tvær vikur (80 stundir) í senn. Klínískt nám fer fram á heilbrigðisstofnunum um allt land á starfsstöðvum öldrunar- og heimahjúkrunar.
Hér getur þú lesið meira um sveigjanlega námið og séð hvenær námslotur eru.
Byrjað var með öldrunar- og heimahjúkrunarkjörsvið haustið 2021. Boðið verður upp á samfélagsgeðhjúkrunarkjörsvið haustið 2022.
Nei, ef þú ert til dæmis að vinna á barnadeild og langar að breyta til þarft þú að ráða þig í vinnu í öldrunarþjónustu. Þar þarft þú að vinna að lágmarki 2 mánuði í 100% vinnu (eða 300 vinnustundir samtals) á námstímanum.
Þau fá stig í matslíkaninu í meðferð umsókna um námið. Möguleikar á mati einhverra námskeiða til styttingar náms til diplómaprófs á kjörsviði eru í skoðun en niðurstaða þeirrar skoðunar mun ekki liggja fyrir fyrr en námsbraut er komin af stað. Nýja námið er á öðru námsstigi og hæfniþrepi en gamla viðbótarnámið.
Fagnám til diplómaprófs fyrir starfandi sjúkraliða er ný námsbraut við HA sem er ákaflega ánægjulegt að hafa fengið að taka þátt í að byggja upp. Þessi nýja námsbraut er frábær leið fyrir starfandi sjúkraliða til að byggja ofan á þekkingu sína og færni. Í náminu er lögð áhersla á eflingu klínískrar færni og þekkingar á samskiptum sem meðferðartæki, sem og á þátttöku í þverfaglegu samstarfi og uppbyggingu fagmennsku. Kjörsvið öldrunar- og heimahjúkrunar, sem fer af stað haustið 2021, er fyrst og fremst hugsað til að auka gæði í heilbrigðis- og velferðarþjónustu til handa öldruðum einstaklingum og fjölskyldum þeirra.
Nemendur læra hér að sinna alhliða heilbrigðisfræðslu, sem felur í sér bæði stuðningsþætti og kennslufærni. Nemendur kynnast helstu hugmyndafræði, kenningum og tækni við að veita fræðslu, jafnt til skjólstæðinga og aðstandenda sem og til samstarfsfólks. Sérstök áhersla er á að nemendur öðlist innsýn í mikilvægi fræðslu tengda forvörnum, heilsu-og valdeflingu fyrir aldraða og fái æfingu í að greina fræðsluþarfir einstaklinga því tengdu. Einnig læra nemendur grunn klínískrar leiðsagnar til að öðlast færni sem klínískir leiðbeinendur. Markmiðið með námskeiðinu er að nemendur geti skipulagt, framkvæmt og fylgt eftir fræðslu og kennslu á víðum grundvelli og hafi þekkingu á grunnþáttum náms fullorðinna.
Námskeiðið snýst um samskipti og samstarf við bæði notendur og samstarfsfólk þar sem fjallað er um helstu hugmyndir, kenningar og aðferðir er lúta að félagslegum samskiptum og eflandi tengslum. Fjallað er um þverfaglega teymisvinnu, hópastarf og hópefli og rýnt í hlutverk ólíkra fagstétta innan velferðarkerfisins. Kynntar eru helstu aðferðir í viðtalstækni og nemendur æfa sig í að beita þeim. Nemendur rýna í eigin samskiptahætti og kynnast því hvernig nota má samskipti á meðvitaðan hátt til að ýta undir og styrkja ákveðna hæfni og eiginleika.
Markmið námskeiðsins er að nemandi öðlist þekkingu á helstu kenningum og aðferðum stjórnunar til að þeir öðlist sjálfsstyrk í hlutverki leiðtoga og hæfni í sjálfsígrundun. Tilgangurinn er að nemendur fái í hendur verkfæri til að styrkja sig í hlutverki leiðtoga, til að sinna verkefnastjórn og gæðastjórnun innan afmarkaðra eininga á vinnustað og á sama tíma vera virkir þátttakendur í þverfaglegri teymisvinnu. Farið verður í helstu þætti sem þurfa að vera til staðar við skipulag og þátttöku í slíkum teymum auk þjálfunar í markmiðssetningu.
Einnig munu nemendur læra um helstu þætti í umgjörð, skipulagi og stefnumótun í velferðarþjónustu á Íslandi.
Markmið námskeiðsins er að nemendur öðlist greinagóða þekkingu á hvernig umönnunarumhverfi, og stuðningur við að skipuleggja rými og viðverustað hefur áhrif á öryggi og lífsgæði fólks. Fjallað verður um þá þætti sem hafa áhrif á umönnunarumhverfi, allt frá einstökum hjálpartækjum til staðsetningar, öryggi heimila og öryggisbúnaði innan heimila. Ásamt hvernig stuðla megi að öruggu og góðu vinnuumhverfi. Farið verður yfir hvernig skráning á lífssögu skjólstæðinga getur stuðlað að auknum lífsgæðum, félagslegri þátttöku og sjálfræði. Nemendur kynnast mismunandi aðferðum sem notaðar eru, s.s. nýsköpun og velferðartækni og fjarheilbrigðisþjónustu. Fá kynningu á tæknilegum lausnum sem fólk getur nýtt sér til þess að stuðla að sjálfræði og félagslegri þátttöku og lífsgæðum á eigin forsendum. Nemendur æfa sig í að greina þörf fyrir og skipuleggja umhverfi sem stuðlar að færni og lífsgæðum.
Í námskeiðinu skoða nemendur eigin námsmarkmið, hæfileika, umhverfi og aðferðir til að læra. Kenndar eru mismunandi aðferðir til náms og leiðir til farsællar samvinnu í nemendahópi. Nýtt eru ýmis verkfæri úr iðjuþjálfunarfræði fyrir nemendur til að rýna í eigin viðhorf, vanamynstur, hlutverk og umhverfi. Nemendur gera áætlanir um hvernig þeir mæta kröfum námsins og efla eigin þekkingu, leikni og hæfni.
Markmiðið er að nemendur fá innsýn inní helstu kenningar og hugmyndafræði um hvernig hægt er að nota samskipti sem meðferðartæki. Áhersla er á að nemandi öðlist skilning á mismunandi þörfum einstaklinga og lausnaleit í samskiptum, jafnt við skjólstæðinga sem og aðstandendur og fjölskyldur. Nemendur læra hvernig á að takast á við krefjandi atferlistruflanir hjá einstaklingum með heilabilun eða fíknisjúkdóm og sérhæfðan stuðning við aðstandendur. Sérstök áhersla er á að nemendur öðlist þekkingu og færni í að beita sérhæfðum samskipta aðferðum sem virkri meðferð einstaklinga, auk aðlögunar umhverfisþátta.
Hafdís er brautarstjóri fagnáms til diplómaprófs fyrir starfandi sjúkraliða. Hún tekur vel á móti þér og svarar þeim fyrirspurnum sem þú kannt að hafa.
Áslaug Lind Guðmundsdóttir er verkefnastjóri Framhaldsnáms í heilbrigðisvísindum við Heilbrigðis-, viðskipta og raunvísindasvið og forstöðumaður Heilbrigðisvísindastofnunar HA. Hún tekur vel á móti þér og öllum þeim fyrirspurnum sem þú kannt að hafa til hennar. Meira um Áslaugu Lind.
