Lokaverkefni

Öllum lokaverkefnum á að skila rafrænt í Skemmuna.

Öllum lokaverkefnum á einnig að skila í Turnitin sem er hugbúnaður til varnar ritstuldi. Turnitin gerir kennurum mögulegt að bera saman ritgerðir nemenda við lokaverkefni sem þegar hefur verið skilað og annað efni á netinu. Þannig getur Turnitin leitt til bættra vinnubragða við heimildanotkun og ritgerðasmíð.

Skiladagur á rafrænu eintaki í Skemmu skal eiga sér stað á settum skiladegi deildar og skilin eru forsenda brautskráningar.

  • Nemendur í grunnnámi þurfa ekki að skila prentuðu eintaki til bókasafnsins
  • Nemendur í framhaldsnámi/meistaranámi skila einu innbundnu prentuðu bókasafnseintaki til viðkomandi deildar

Fyrirspurnum um skil á lokaverkefnum í Skemmu og Turnitin má beina til bókasafns eða hringja í síma 460 8050.

Hvernig á að skila lokaverkefni í Skemmuna?

Myndband um hvernig á að skila lokaverkefni í Skemmuna.

  1. Ferð inn á skemman.is
  2. Velur „Skil í Skemmuna"
  3. Velur Háskólann á Akureyri
  4. Skráir þig inn með skólanetfanginu@unak.is
  5. Undir valmyndinni „Hefja ný skil "er viðeigandi safn valið og tegund Lokaverkefni.

Leiðbeiningar koma upp með hverju skrefi í skilaferlinu.

  • Lýsing á lokaverkefninu. Svið sem verður að fylla út eru merkt sérstaklega (höfundur, titill, útdráttur), önnur svið eru valkvæð (til dæmis tengd vefslóð, lýsing og styrktaraðili)
  • Hlaða upp skrám. Verkefnið skal vistað á pdf formi. Meginreglan er sú að lokaverkefni í Skemmu séu opin til aflestrar en athugið að óheimilt er að prenta eða afrita þau

Þeir nemendur sem ætla að loka aðgengi að heildartexta tímabundið til dæmis vegna trúnaðarupplýsinga skulu skipta verkefninu upp í eftirfarandi skjöl og gera aðgengileg:

  1. Efnisyfirlit
  2. Heimildaskrá
  3. Fylgiskjöl (ef einhver eru, þótt þau séu lokuð)
  4. Heildartexti (á alltaf vera skráður í Skemmu þótt hann sé lokaður)
  • Staðfesta skil. Til að senda lokaverkefni inn til staðfestingar verður að samþykkja skilmálana

Að yfirferð lokinni er sendur út tölvupóstur með niðurstöðu yfirferðarinnar.

Verkið er samþykkt eða því hafnað í Skemmuna. Ef verkinu hefur verið hafnað er það sent tilbaka og viðkomandi fær tækifæri til að lagfæra það sem er ábótavant og senda inn aftur.

Það er á ábyrgð nemenda að rafrænt eintak lokaverkefnis sé endanleg lokaútgáfa lokaverkefnis sem samþykkt hefur verið af leiðbeinanda og að því fylgi öll fylgigögn sem krafist er.

Hvernig á að skila verkefnum í Turnitin?

Við ritsmíðar er mikilvægt að hafa í huga reglur Háskólans á Akureyri um viðurlög við ritstuldi nr. 757/2006 með breytingu nr. 546/2009.

Til að prófa hvernig Turnitin vinnur er aðgangur að Turnitin skilahólfi í Moodle sem allir nemendur HA geta notað. Þar skila nemendur inn verkefnum í Turnitin til prufu. Engir kennarar hafa aðgang að þessu námskeiði, aðeins nemandinn hefur aðgang að sínu verkefni og sér niðurstöðurnar.

Leiðbeiningar um skil í Turnitin skilahólf í Moodle, skoðun samanburðarskýrslu o.fl.