Gestanám

Gestanám við opinbera háskóla

• Gestanám er skilgreint sem nám sem er stundað utan heimaskóla
• Gestanemandi er nemandi sem er skráður við ákveðinn opinberan háskóla (heimaskóla) en fær heimild til að skrá sig í einstök námskeið í öðrum opinberum háskóla (móttökuskóla), án þess að greiða skrásetningagjald þar, enda hafi nemandinn þegar greitt gjaldið í sínum heimaskóla
• Báðir skólar þurfa að samþykkja umsókn nemanda um gestanám
• Heimaskóli ber ábyrgð á námsferli nemandans og tryggir að námskeið sem nemandi lýkur við móttökuskólann nýtist honum til lokaprófs (háskólagráðu) í heimaskóla
• Heimaskóli sér jafnframt um miðlun upplýsinga um námsframvindu til Menntasjóðs námsmanna.
• Heimaskóli og móttökuskóli mega samkvæmt samningi veita hvor öðrum upplýsingar um námsferil nemanda, ef þurfa þykir

Inntökuskilyrði og kröfur um viðveru

• Almennt skal miðað við að bakkalárnemandi hafi lokið einu ári við heimaskóla áður en hann getur sótt um að gerast gestanemandi
• Ef ástæða þykir til getur heimaskóli einnig gert kröfu um lágmarksfjölda eininga sem nemandi skal ljúka áður en hann getur sótt um gestanám
• Gestanemendur þurfa auk þess að uppfylla þær forkröfur sem kunna að gilda og skilyrði um undanfara einstakra námskeiða
• Ef skólarnir þurfa að beita aðgangstakmörkunum í einstakar námsleiðir eða námskeið geta gestanemendur einnig þurft að uppfylla viðbótarkröfur
• Gestanemendur verða jafnframt að uppfylla þær kröfur sem gerðar eru í hverju námskeiði um viðveru og þátttöku í kennslustundum
• Ekki er hægt að ganga að því vísu að gestanám geti farið fram í fjarnámi

Hvernig skal sækja um?

Umsóknarfrestur fyrir haustmisseri er 15. ágúst og vormisseri er 15. desember.

• Nemandi sem óskar að verða gestanemandi við annan háskóla þarf að leggja fram formlega umsókn um gestanám hjá sínum heimaskóla, í síðasta lagi fyrir 15. ágúst vegna haustmisseris og fyrir 15. desember vegna vormisseris
• Gæta þarf að því að prófatímabil heimaskóla og móttökuskóla geta skarast, þ.e.a.s. próf í báðum skólum gætu mögulega farið fram á sama tíma
• Brautskráningar skólanna eru á mismunandi tíma og þarf nemandi því að gæta sérstaklega að því að skila námsferli sínum úr gestaskóla á tilsettum tíma fyrir brautskráningu ef hann tekur gestanámskeið á síðasta misseri sínu

Nemendur við Háskólann á Akureyri sækja um gestanám hér:

Rafræn umsókn Heilbrigðis-, viðskipta- og raunvísindasviðs

Rafræn umsókn Hug- og félagsvísindasviðs

Nánari upplýsingar veita:

Heilbrigðis-, viðskipta- og raunvísindasvið

• Fyrir Hjúkrunarfræðideild, Iðjuþjálfunarfræðideild og Framhaldsnám í heilbrigðisvísindum:
  Áslaug Lind Guðmundsdóttir, verkefnastjóri, aslaug@unak.is
• Fyrir Auðlindadeild og Viðskiptadeild:
  Ása Guðmundardóttir, skrifstofustjóri, asa@unak.is

Hug- og félagsvísindasvið

• Fyrir Kennaradeild og námsbrautir félagsvísinda, fjölmiðlafræði og nútímafræði:
  Anna Karen Úlfarsdóttir, verkefnastjóri, aku@unak.is
• Fyrir námsbraut lögreglufræði:
  Heiðrún Ósk Ólafsdóttir, verkefnastjóri, heidrunosk@unak.is
• Fyrir Lagadeild:
  Hildur Sólveig Elvarsdóttir, verkefnastjóri, hildursolveig@unak.is
• Fyrir Sálfræðideild:
  Katrín Eiríksdóttir, verkefnastjóri, katrine@unak.is 

Gestanámi lýkur

• Þegar gestanámi lýkur þarf nemandi að óska eftir staðfestu afriti af námsferli sínum hjá móttökuskólanum sem hann framvísar til heimaskóla