Gæðamál og gæðaráð

Gæðaráð Háskólans á Akureyri er fastanefnd háskólaráðs og starfar samkvæmt reglum um gæðaráð Háskólans á Akureyri.

Gæðaráð ber ábyrgð á framkvæmd gæðakerfis háskólans en rektor ber endanlega ábyrgð á gæðakerfinu. Dagleg umsjón með rekstri gæðakerfisins er í höndum sviðsstjóra mannauðs- og samskiptasviðs, sem jafnframt er formaður gæðaráðs.

Aðrir fulltrúar í gæðaráði eru fulltrúar fræðasviða, stjórnsýslu og stoðþjónustu og stúdenta, sbr. 2. gr. reglna um gæðaráð.

Vaka Óttarsdóttir, sviðsstjóri mannauðs- og samskiptasviðs, er formaður gæðaráðs.

Hlutverk og ábyrgð gæðaráðs

Samkvæmt reglum um gæðaráð er hlutverk ráðsins að:

tryggja að háskólinn standist ávallt þær ytri kröfur sem gerðar eru til gæða í starfi hans,
vekja áhuga á gæðamálum innan háskólans,
vera vettvangur umfjöllunar og ákvarðanatöku um gæðamál háskólans,
stuðla að umbótum og þróun á kennslu og námsmati innan háskólans,
samþykkja, hafa eftirlit með og tryggja reglulega endurskoðun á námsbrautum og prófgráðum,
vaka yfir gæðum rannsókna innan háskólans og starfa með vísindaráði að því að móta viðmið og kvarða sem notaðir eru til að meta vísindalega starfsemi við Háskólann á Akureyri,
safna saman, meta og bregðast við upplýsingum um starfsemi háskólans sem lúta að gæðum,
taka afstöðu til mikilvægra breytinga á starfsemi háskólans sem kunna að hafa áhrif á gæði í starfsemi hans,
fjalla um undirbúning og framkvæmd sjálfsmats og ytra mats á háskólanum og tryggja eftirfylgni.

Gæðaráð

Gæðaráð kemur saman mánaðarlega. Senda erindi til gæðaráðs.

Aðalfulltrúar		Staða/fulltrúi	Varafulltrúar
Vaka Óttarsdóttir	Sviðsstjóri mannauðs- og samskiptasviðs	Formaður
Nanna Ýr Arnardóttir	Dósent	Heilbrigðis-, viðskipta- og raunvísindasviðs	Þorbjörg Jónsdóttir, dósent
Verena Karlsdóttir	Lektor	Heilbrigðis-, viðskipta- og raunvísindasviðs	Kjartan Sigurðsson, dósent
Andrea S. Hjálmsdóttir	Dósent	Hug- og félagsvísindasviðs	Ívar Rafn Jónsson, lektor
Garðar Ágúst Árnason	Prófessor	Hug- og félagsvísindasviðs	Sunna Kristín Símonardóttir, lektor
Sigríður Huld Jónsdóttir	Sviðsstjóri náms- og kennsluþjónustu	Stjórnsýslu og stoðþjónustu	Heiða Kristín Jónsdóttir, skrifstofustjóri
Lísbet Hannesdóttir	Verkefnastjóri gæða- og mannauðsmála	Stjórnsýslu og stoðþjónustu	Rúnar Gunnarsson, forstöðumaður miðstöðvar alþjóðasamskipta
Aðalbjörn Jóhannsson		Stúdenta	Katla Ósk Káradóttir
Aldís Mjöll Hlynsdóttir		Stúdenta	Rakel Rún Sigurðardóttir

Gæðaskýrslur og úttektir

Gæðamat háskóla hefur allt frá árinu 2011 sinnt óháðu ytra gæðamati íslenskra háskóla. Markmiðið er að efla gæði og styðja við stöðugar umbætur í íslensku háskólastarfi.

Hlutverk Gæðamats háskóla

Meðal helstu verkefna eru að: 

móta rammaáætlun um eflingu gæða í íslenskum háskólum og þróa hana í takt við breytingar sem verða á háskólakerfinu, bæði innan lands og utan,
framkvæma reglubundnar stofnunarúttektir í því markmiði að tryggja að háskólar á Íslandi sinni innra gæðamati og vinni að umbótum á allri starfsemi sinni, 
stuðla að aukinni þekkingu á sviði gæðamála, 
annast aðrar úttektir að beiðni íslenskra yfirvalda eða annarra hagaðila.

Sjálfstæði og samstarf

Gæðamat háskóla er sjálfstætt í störfum sínum og starfar samkvæmt alþjóðlegum viðmiðum um sjálfstæði gæðamatsstofnana. Háskólar, stjórnvöld og aðrir hagaðilar hafa því ekki afskipti af framkvæmd gæðamats.

Jafnframt er lögð áhersla á samráð og samstarf við hagaðila. Þar á meðal eru samstarfsnefnd um gæðamál háskóla, ráðgjafarnefnd um mat á rannsóknum og Landssamtök íslenskra stúdenta. Samstarfið styður við áframhaldandi þróun og umbætur í gæðastarfi íslenskra háskóla.

Rammaáætlanir og úttektir

Gæðamat háskóla byggir starf sitt á viðmiðum um gæðastarf á Evrópska háskólasvæðinu og innlendum kröfum um gæði háskólastarfs. Hver rammaáætlun gildir í sjö ár. Á gildistíma hennar fer hver háskóli í stofnanaúttekt þar sem teymi erlendra sérfræðinga, ásamt íslenskum stúdent, metur gæðastarf háskólans.

Háskólinn á Akureyri hefur farið tvisvar í stofnanaúttekt og gefið út stöðumatsskýrslur í tengslum við úttektirnar. Skýrslurnar má nálgast hér að neðan.

QEF3 - Þriðja rammaáætlun 2024-2029

Þriðja rammaáætlunin, Quality Enhancement Framework (QEF3), tók gildi árið 2024 og gildir til 2029. Samkvæmt henni skilar hver háskóli árlegri gæðaskýrslu þar sem gerð er grein fyrir gæðastarfi og umbótum.