Örfyrirlestrar
Stuttir og fjölbreyttir fyrirlestrar um ýmis málefni, til dæmis:
- Hvernig þú sameinar háskólanám og fjölskyldulíf
- Próftökutækni
- Markmiðasetningu og tímastjórnun
- Frestun
- Helstu þætti í námstækni og góðum vinnubrögðum
- Almenna líðan og geðheilbrigði
Þessir fyrirlestrar eru aðgegnilegir öllum stúdentum HA, bæði á staðnum og í Zoom.
Námskeið
Náms- og starfsráðgjöf Háskólans á Akureyri býður upp á netnámskeið sem eru aðgengileg í kennslukerfum HA. Þú getur tekið þau hvenær sem er og á eigin hraða.
- Til þess að sækja um sérúrræði vegna prófkvíða þarf að hafa lokið námskeiði vegna prófkvíða.
Prófkvíðanámskeið
Hvað er kvíði og hvaðan kemur hann? Á námskeiðinu lærir þú hvernig hægt er að ná tökum á eigin hugsunum og þannig draga úr kvíða og vanlíðan tengdum prófum. Námskeiðið er aðgengilegt á kennslukerfinu Canvas. Þú getur tekið það hvenær sem er og á eigin hraða. Stúdentar hafa aðgang að námskeiðinu allt skólaárið.
Skráning á prófkvíðanámskeið
- Kostar 5000 kr.
- Reikningsnúmer: 0162-26-6610
- Kennitala: 520687-1229
- Sendið kvittun á radgjof@unak.is, merkta námskeiðinu sem greitt er fyrir (prófkvíðanámskeið). Þá fáið þið aðgang að því á vefkennslukerfi HA.
Athugið:
- Til þess að sækja um sérúrræði vegna prófkvíða þarf í fyrstu að fara í viðtal hjá náms- og starfsráðgjafa, fylla út prófkvíðakvarða og ljúka þessu námskeiði.
- Vegna haustmisserisprófa fyrir 15. október og vegna vormisserisprófa fyrir 15. mars.
Almenn námstækni
Námstækni þjálfar stúdenta í vinnubrögðum sem virka vel í námi. Í Canvas er að finna námstæknisíðu sem er opin öllum stúdentum HA gjaldfrjálst. Þar er til dæmis farið yfir:
- Tímaskipulag og markmiðasetning
- Lestrar-, glósu- og minnistækni
- Frestun og líðan
- Undirbúningur fyrir próf
