Ef þú glímir við hömlur sem hafa áhrif á getu þína í námi, getur þú sótt um sértæk úrræði og stuðning námsráðgjafa.
Forsenda þess að úrræði séu veitt er að það liggi fyrir faglegt mat sérfræðings um þarfir þínar vegna veikinda eða skerðingar á getu.
Þarftu sértæk úrræði í námi?
Ef þú telur þig þurfa sértæk úrræði þá er ferlið svona:
- Sótt er um sértæk úrræði í rafrænni þjónustugátt NSHA
- Umsóknartímabil haustmisseris er opið frá upphafi misseris til og með 1. október
- Umsóknartímabil vormisseris er opið frá upphafi misseris til og með 1. mars
- Athugið að ekki er hægt að afgreiða umsóknir nema greining eða vottorð viðeigandi sérfræðings fylgi með. Það getur tekið tíma að fá gögn frá sérfræðingum. EF úrræðin sem þú þarft á að halda krefjast undirbúnings áður en námskeið hefst, sem dæmi táknmálstúlkun eða rittúlkun, er mikilvægt að skila umsókn tímanlega.
- Þú fylgist með stöðu umsóknar í þjónustugáttinni.
Stuðningur vegna sérþarfa
Lestrar erfiðleikar
- Ef þú átt í erfiðleikum með lestur getur þú fengið aðstoð hjá námsráðgjafa
- Stuðningur vegna lestrarerfiðleika er háður því að þú leggir fram skýrslu frá sérkennara eða sálfræðingi þar sem greint er frá erfiðleikunum
- Ef skýrsla er eldri en fimm ára gömul þarf endurmat að fara fram
Hafa samband við námsráðgjafa.
Námsúrræði
Námsúrræði eru fjölbreytt og sniðin að hverjum og einum. Meðal námsúrræða eru:
- Stuðningsviðtöl
- Námstækninámskeið
- Kvíðastjórnunarnámskeið
- Hljóðritun fyrirlestra
- Glærur kennara á kennslukerfi skólans
- Sérhæfður hugbúnaður
- Vinnuaðstaða á bókasafni og gagnasmiðju
- Táknmálstúlkur
- Aðstoðarmaður
- Önnur úrræði sem teljast sanngjörn og eðlileg
Hafa samband við námsráðgjafa.
Kennsluúrræði
Kennsluúrræði eru fjölbreytt og sniðin að hverjum og einum. Meðal kennsluúrræða eru:
- Val á hentugu húsnæði
- Aðgangur að kennslustofum með hljóðkerfi fyrir heyrnardaufa
- Hljóðritun fyrirlestra
- Glærur kennara á kennslukerfi skólans
- Aðlagaðir kennsluhættir
- Önnur úrræði sem teljast sanngjörn og eðlileg
Hafa samband við námsráðgjafa.
Prófúrræði
Prófúrræði eru fjölbreytt og sniðin að hverjum og einum. Meðal prófúrræða eru:
- Lenging próftíma
- Próftaka á tölvu
- Próftaka í fámennri stofu eða einrými
- Munnleg próf
- Hvíld í prófi án skerðingar á próftíma
- Innlesin próf
- Sérhæfður tækjabúnaður í prófstofu
- Önnur úrræði sem teljast sanngjörn og eðlileg
Hafa samband við námsráðgjafa.