Þjónusta bókasafnsins

Útlánaþjónusta

Bókasafn háskólans er öllum opið.

• Stúdentar og starfsfólk HA geta tekið bækur að láni án endurgjalds. Vinsamlegast nálgist bókasafnsskírteini hér.
• Lánþegi ber ábyrgð á þeim ritum, sem hann fær að láni. Þegar skiladagur nálgast fær lánþeginn tilkynningu í tölvupósti. Sektir leggjast á samkvæmt gjaldskrá.

Notendur geta endurnýjað lán sjálfir, skoðað skuldastöðu og önnur viðskipti við safnið með innskráningu á ha.leitir.is. 

Millisafnalán

Vantar þig bók eða tímaritsgrein sem er ekki til á bókasafninu? Með millisafnalánum er hægt að útvega efni frá öðrum bókasöfnum.

Beiðnir um millisafnalán eru sendar í gegnum leitir.is. Innskráning fer fram með rafrænum skilríkjum.

Stúdentar greiða hálft gjald fyrir ljósrit og bókarlán. Vinsamlegast kynnið ykkur gjaldskrá millisafnalána.

• Hvernig panta skal efni sem þegar er til á leitir.is
• Hvernig panta skal efni sem ekki er til á leitir.is

Þjónusta við starfsfólk

Bókasafnið býður starfsfólki fjölbreytta þjónustu og aðstoð.

• Skoða þjónustu fyrir rannsakendur og doktorsnema

Bókaðu bókasafnsfræðing

Vantar þig hjálp við heimildaleit eða heimildavinnu?

Bókasafns- og upplýsingafræðingar bjóða upp á persónulega ráðgjöf fyrir stúdentum, doktorsnemum og rannsakendum. Þú getur bókað 30 mínútna samtal þar sem þú færð aðstoð sem tekur mið að þínum þörfum. Einnig er hægt að fá aðstoð í gegnum Teams.

Bókaðu tíma á bókunarvefnum okkar.

Ritver HA

Ritver Háskólans á Akureyri veitir stúdentum stuðning og ráðgjöf við fræðileg skrif. Þar getur þú fengið aðstoð á öllum stigum ritunarferlisins, allt frá fyrstu hugmyndum og uppbyggingu texta til frágangs lokaverkefna.

• Nánari upplýsingar á vefsíðu Ritversins

Leiðbeiningar

Á bókasafni háskólans er boðið upp á fjölbreytta fræðslu sem miða að auknu upplýsingalæsi og færni í akademískum vinnubrögðum.

• Kennsluvefur bókasafnsins

Upplýsingalæsi

Bókasafnið sér um kennslu í upplýsingalæsi. Stúdentar eru þjálfaðir í að finna upplýsingar, hagnýta þær og meta áreiðanleika þeirra á ábyrgan hátt.

Samkvæmt viðmiðum mennta- og menningarmálaráðuneytisins eiga stúdentar sem ljúka háskólaprófi að hafa þekkingu og færni í að:

• greina hvenær þörf er á upplýsingum og hafa færni til að finna þær, meta áreiðanleika þeirra og nýta á viðeigandi hátt
• þekkja undirstöðuatriði leitar- og upplýsingatækni
• geta nýtt sér viðurkennd gagnasöfn á viðkomandi fræðasviði

Kennsla í upplýsingalæsi

Kennsla í upplýsingalæsi fer fram í kennslustundum í samráði við fræðasvið eða deildir. Einnig er reglulega boðið upp á sértæk námskeið fyrir stúdenta og starfsfólk.

Við bókun á kennslu og námskeiðum, hafið samband í síma 460 8050 eða sendið tölvupóst á bsha@unak.is.

Fjaraðgangur að staðarneti HA

Bókasafn Háskólans á Akureyri er með áskriftir af ýmsum gagnasöfnum, raftímaritum og rafbókum sem gagnast stúdentum HA sérstaklega. Þau eru aðeins aðgengileg á staðarneti háskólans eða með því að tengjast staðarneti í gegnum sýndareinkanet eða VPN (Virtual Private Network).

Þú þarft að setja upp VPN aðgang til að geta nýtt þér áskriftirnar á tölvunni þinni.

Rafrænir leslistar í Canvas

Höfundaréttvarið lesefni (greinar og bókarkaflar sem ekki eru í opnum aðgangi), eldri próf og annað námsefni eru aðgengileg í Rafrænum leslistum í Canvas. Stúdentar nálgast efnið sjálfir í gegnum viðkomandi námskeið í Canvas.

Ef próf eru ekki sýnileg í Rafrænum leslista skulu stúdentar hafa samband við kennara námskeiðsins. Honum ber að veita stúdentum aðgang að þeim.

Fyrir kennara

Kennarar geta haft samband við þjónustuborð bókasafnsins vegna umsjónar eða upplýsinga um Rafræna leslista eða sent inn beiðni í gegnum rafrænt þjónustuborð bókasafnsins. Gott er að hafa nokkurra daga fyrirvara á beiðnum.

Leiðbeiningar fyrir kennara um hvernig setja má námsefni inn í Rafræna leslista má finna á hér.