Háskólinn á Akureyri er fyrsti háskólinn á Íslandi sem býður upp á fagnám til diplómaprófs fyrir starfandi sjúkraliða. Um er að ræða tveggja ára sveigjanlegt nám sem hentar samhliða starfi.
Námið er ætlað sjúkraliðum sem vilja auka þekkingu sína og efla starfshæfni í geðheilbrigðisþjónustu, endurhæfingu og heimahjúkrun.
Einnig er boðið upp á kjörsviðið öldrunar- og heimahjúkrun.
Markmið námsins er að efla þekkingu og færni starfandi sjúkraliða á þörfum einstaklinga með geðsjúkdóma og fjölskyldna þeirra.
Áhersla er lögð á:
Námið styrkir þig sem fagmann og undirbýr þig fyrir aukna ábyrgð og fjölbreyttari verkefni.
Brautarstjóri er Kristín Þórarinsdóttir.
Þú getur skoðað skipulag námsins í Uglu, kennsluvef háskólans.
Námið er skipulagt fyrir starfandi sjúkraliða og er óháð búsetu.
Á öðru ári fara stúdentar í:
Í námslotunum gefst þér tækifæri til að hitta kennara, samnemendur og annað starfsfólk háskólans og tengjast háskólasamfélaginu.
Ljúka þarf öllum námskeiðum fyrsta árs áður en nám á öðru ári hefst. Hámarkstími til að ljúka námi er þrjú ár.
Hér getur þú lesið meira um sveigjanlega námið og séð hvenær námslotur eru.
Fagnám til diplómaprófs opnar á möguleika fyrir sjúkraliða að takast á við fjölþættari störf og aukna ábyrgð.
Námið eflir sjúkraliða til að taka þátt í fjölbreyttri teymisvinnu með markvissum hætti.
Námið er áskorun fyrir sjúkraliða sem verða virkir þátttakendur í að móta nýjar starfsleiðir innan heilbrigðis- og velferðarkerfisins.
Félagslíf er mikilvægur þáttur háskólanáms og er félagslíf stúdenta við HA öflugt.
Allir stúdentar við háskólann eru í Stúdentafélagi Háskólans á Akureyri (SHA) en einnig er hver deild með sitt stúdentafélag. Eir er félag heilbrigðisvísindanema og þú getur nálgast nánari upplýsingar um félagið á Facebook.
Umsækjandi þarf að:
Æskilegt er að umsækjandi hafi að lágmarki tveggja ára starfsreynslu og hafi tekið að lágmarki 150 einingar í loknu sjúkraliðanámi.
Umsækjendur sem starfa nú þegar á kjörsviðinu hafa forgang.
Gögn sem þurfa að fylgja umsókn:
Námspláss er fyrir 15 stúdenta (lágmarksfjöldi er 10). Þar sem námspláss eru takmörkuð er umsóknum forgangsraðað ef fullnægjandi umsóknir eru fleiri en pláss leyfa.
Nánari upplýsingar um inntökuskilyrði og stigamat við forgangsröðun umsókna má finna hér.
Fagnám til diplómaprófs geta stúdentar stundað óháð búsetu. Allir fylgja sömu námskrá og námskröfur eru þær sömu.
Fyrirlestrar eru teknir upp og settir á kennsluvef ásamt öðru námsefni.
Skylda er að koma 1-2 sinnum á misseri í stuttar námslotur til Akureyrar.
Á seinna árinu er einnig klínískt nám á hvoru misseri, í tvær vikur (80 stundir) í senn. Klínískt nám fer fram um allt land á starfsstöðvum geðheilbrigðisþjónustu, endurhæfingar- og heimahjúkrunar.
Hér getur þú lesið meira um sveigjanlega námið og séð hvenær námslotur eru.
Ekki verður hægt að taka bæði kjörsviðin samhliða að svo stöddu. Ef þú hefur tekið eitt kjörsvið og vilt bæta við þig öðru kjörsviði þá sendir þú beiðni um það til brautarstjóra námsins og það verður tekið fyrir innan námsbrautarinnar.
Fagnám til diplómaprófs fyrir starfandi sjúkraliða er ný námsbraut við HA sem er ákaflega ánægjulegt að hafa fengið að taka þátt í að byggja upp. Þessi nýja námsbraut er frábær leið fyrir starfandi sjúkraliða til að byggja ofan á þekkingu sína og færni. Í náminu er lögð áhersla á eflingu klínískrar færni og þekkingar á samskiptum sem meðferðartæki, sem og á þátttöku í þverfaglegu samstarfi og uppbyggingu fagmennsku. Kjörsvið öldrunar- og heimahjúkrunar, sem fer af stað haustið 2021, er fyrst og fremst hugsað til að auka gæði í heilbrigðis- og velferðarþjónustu til handa öldruðum einstaklingum og fjölskyldum þeirra.
Nemendur kynnast hugmyndafræði, kenningum og tækni við að veita fræðslu, jafnt til skjólstæðinga og aðstandenda sem og til samstarfssfólks
/sjúkraliðanema. Nemendur læra að sinna heilbrigðisfræðslu, sem felur í sér bæði stuðningsþætti og kennslufærni með áherslu á fullorðinsfræðslu.
Sérstök áhersla er á að nemendur öðlist innsýn í mikilvægi fræðslu tengda forvörnum, heilsulæsi og valdeflingu fyrir skjólstæðinga. Nemendur fái æfingu í að greina fræðsluþarfir skjólstæðinga. Nemendur fái grunn klínískrar leiðsagnar til að öðlast færni sem klínískir leiðbeinendur. Þá verður farið í grunnþætti fræðilegra vinnubragða.
Námskeiðið snýst um samskiptafærni og samstarfsfærni við notendur/skjólstæðinga og samstarfsfólk þar sem fjallað er um helstu hugmyndir, kenningar og aðferðir er lúta að faglegum samskiptum og tengslum. Meðal annars er fjallað um þverfaglega teymisvinnu og rýnt í hlutverk ólíkra fagstétta innan velferðarkerfisins. Kynntar eru helstu aðferðir í viðtalstækni og nemendur æfa sig í að beita þeim. Nemendur rýna í eigin samskiptahætti og læra að nota samskipti á meðvitaðan hátt til að ýta undir og styrkja ákveðna færni og eiginleika til að takast á við margbreytilegar kröfur þess að vera fagmaður í krefjandi störfum. Auk þess er mikilvægi sjálfsþekkingarfærni og slökunar kynnt fyrir nemendum.
Markmið námskeiðsins er að nemandi öðlist þekkingu á helstu kenningum og aðferðum stjórnunar til að þeir öðlist sjálfsstyrk í hlutverki leiðtoga og hæfni í sjálfsígrundun. Tilgangurinn er að nemendur fái í hendur verkfæri til að styrkja sig í hlutverki leiðtoga, til að sinna verkefnastjórn og gæðastjórnun innan afmarkaðra eininga á vinnustað og á sama tíma vera virkir þátttakendur í þverfaglegri teymisvinnu. Farið verður í helstu þætti sem þurfa að vera til staðar við skipulag og þátttöku í slíkum teymum auk þjálfunar í markmiðssetningu.
Einnig munu nemendur læra um helstu þætti í umgjörð, skipulagi og stefnumótun í velferðarþjónustu á Íslandi.
Í námskeiðinu skoða nemendur eigin námsmarkmið, hæfileika, umhverfi og aðferðir til að læra. Kenndar eru mismunandi aðferðir til náms og leiðir til farsællar samvinnu í nemendahópi. Nýtt eru ýmis verkfæri úr iðjuþjálfunarfræði fyrir nemendur til að rýna í eigin viðhorf, vanamynstur, hlutverk og umhverfi. Nemendur gera áætlanir um hvernig þeir mæta kröfum námsins og efla eigin þekkingu, leikni og hæfni.
Markmiðið er að nemendur fá innsýn í helstu kenningar og hugmyndafræði um samskipti sem meðferðartæki. Áhersla er á að nemandi öðlist skilning á mismunandi þörfum einstaklinga og lausnaleit í samskiptum, jafnt við skjólstæðinga sem og aðstandendur og fjölskyldur. Nemendur læra hvernig á að takast á við krefjandi atferlistruflanir hjá einstaklingum með heilabilun eða fíknisjúkdóm og sérhæfðan stuðning við aðstandendur. Sérstök áhersla er á að nemendur öðlist þekkingu og færni í að beita sérhæfðum samskipta aðferðum sem virkri meðferð einstaklinga, auk aðlögunar umhverfisþátta.
Markmið námskeiðsins er að nemendur öðlist greinagóða þekkingu á hvernig umönnunarumhverfi og stuðningur við að skipuleggja rými og viðverustað hefur áhrif á öryggi og lífsgæði fólks. Fjallað verður um þá þætti sem hafa áhrif á umönnunarumhverfi, allt frá einstökum hjálpartækjum til staðsetningar og öryggi heimila, skráningu, öflun upplýsinga og upplýsingakerfi. Farið verður í áhættumöt um byltur og óráð. Nemendur kynnast mismunandi aðferðum sem notaðar eru til stuðnings, s.s. lífssögu, nýsköpun og velferðartækni, og fá kynningu á tæknilegum lausnum sem fólk getur nýtt sér til þess að stuðla að sjálfræði, félagslegri þátttöku og lífsgæðum á eigin forsendum auk þess að fá kynningu á helstu hjálpartækjum og öryggisbúnaði. Nemendur æfa sig í að greina þörf fyrir og skipuleggja umhverfi sem stuðlar að færni og lífsgæðum.
Námskeiðinu er ætlað að fræða nemendur um tengsl samfélags og heilsu, bæði almennt (hugtök, kenningar, rannsóknir) og sértækt, um efni sem varðar félagslega áhrifaþætti heilbrigði og veikinda. Fjallað er m.a. um samband samfélags- og menningargerðar og heilsu, félagslegt skipulag heilbrigðisstofnana og heilbrigðiskerfis, faghópa heilbrigðisþjónustunnar, sjúkdómsvæðingu, heilbrigðisviðhorf, sjúklingshlutverkið, frávik, félagslega dreifingu heilsu og sjúkdóma, og samskipti sjúklinga og fagaðila.
Kristín er brautarstjóri fagnáms til diplómaprófs fyrir starfandi sjúkraliða. Hún tekur vel á móti þér og svarar þeim fyrirspurnum sem þú kannt að hafa.
Áslaug er verkefnastjóri fyrir framhaldsnám í heilbrigðisvísindum og fyrir fagnám fyrir starfandi sjúkraliða og forstöðumaður Heilbrigðisvísindastofnunar HA. Hún tekur vel á móti þér og öllum þeim fyrirspurnum sem þú kannt að hafa til hennar. Meira um Áslaugu Lind.