Laust er til umsóknar starf verkefnastjóra á skrifstofu rektors Háskólans á Akureyri.
Háskólinn á Akureyri óskar eftir að ráða verkefnastjóra á skrifstofu rektors. Um er að ræða aðstoð við sameiginleg verkefni og viðfangsefni sem eru á ábyrgðarsviði rektorsskrifstofu, m.a. aðstoð við dagleg störf rektors, skráning mála í málakerfi háskólans, skráning og eftirfylgni erinda sem berast rektor og rektorsskrifstofu, umsjón og aðstoð vegna funda og viðburða, þátttaka og aðstoð við skipulagningu og framkvæmd brautskráningar. Í starfinu felst jafnframt öflun upplýsinga, ritun ýmis konar texta á íslensku og ensku, yfirlestur og prófarkalestur. Verkefnastjóri er skjalastjóra til aðstoðar við skjalastjórn og skjalavistun og sinnir leiðbeiningu, aðstoð og ráðgjöf í skjalamálum til starfsfólks.
Starfið heyrir undir rektorsskrifstofu og er skrifstofustjóri rektorsskrifstofu næsti yfirmaður. Ráðið verður í starfið frá 1. nóvember nk., eða samkvæmt nánara samkomulagi. Starfsstöðin er á háskólasvæðinu á Akureyri og er um fullt starf að ræða.
Helstu verkefni og ábyrgð
- Aðstoð við og umsjón sameiginlegra verkefna á rektorsskrifstofu.
- Móttaka, afgreiðsla og eftirfylgni erinda sem berast skrifstofu rektors.
- Skráning í málakerfi háskólans.
- Skráning erinda sem berast opinberu netfangi rektors.
- Umsjón og aðstoð vegna funda og viðburða á vegum rektors og rektorsskrifstofu.
- Aðstoð við undirbúning, skipulagningu og framkvæmd brautskráningar.
- Öflun upplýsinga, textaskrif, yfirlestur og prófarkalestur, þar á meðal í tengslum við ársskýrslu háskólans.
- Aðstoð við skjalastjórn og skjalavistun og þátttaka í þróun og innleiðslu nýjunga í skjalamálum.
Hæfniskröfur
- Háskólapróf sem nýtist í starfi.
- Reynsla af verkefnastjórnun.
- Þekking og reynsla af skjalastjórnun og rafrænum málakerfum.
- Þekking á opinberri stjórnsýslu og starfsemi háskóla.
- Geta miðlað upplýsingum í ræðu og riti, reynsla af textaskrifum og framsetningu texta.
- Framúrskarandi íslensku- og enskukunnátta.
- Góð almenn tækni- og tölvufærni.
- Framúrskarandi skipulagshæfni og geta til að vinna í teymi og vinna sjálfstætt.
- Jákvæðni og hæfni í mannlegum samskiptum.
Umsókn skal fylgja
- Ítarlegt yfirlit yfir náms- og starfsferil.
- Afrit af viðeigandi prófskírteinum.
- Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.
- Tilnefna skal tvo meðmælendur og er æskilegt að annar þeirra sé næsti yfirmaður í núverandi eða fyrra starfi.
Umsóknarfrestur er til og með 22.09.2023
Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.
Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í sex mánuði eftir að umsóknarfresti lýkur, sbr. 2. gr. reglna nr. 464/1996. Háskólinn á Akureyri áskilur sér rétt til að hafna öllum umsóknum.
Háskólinn á Akureyri stuðlar að jafnrétti kynjanna og hvetur öll kyn til að sækja um laus störf.
Við ráðningu í störf við Háskólann á Akureyri er tekið mið af jafnréttisáætlun háskólans og tekið er tillit til þarfar einingarinnar við ráðningu.
Starfshlutfall er 100%.
Nánari upplýsingar veitir
Smelltu hér til að sækja um starfið
