Nýnemadagar

Á Nýnemadögum fer fram fræðsla um ýmislegt sem er til grundvallar háskólanámi og enginn nýnemi ætti að láta fram hjá sér fara.

Markmið Nýnemadaga er meðal annars

  • Að bjóða nýnema velkomna til starfa í HA
  • Að gefa nýnemum tækifæri á að kynnast starfsfólki og þjónustu háskólans í upphafi náms, t.a.m. tölvuumhverfi, prófareglum, bókasafni, námsráðgjöf, alþjóðasamstarfi, húsnæði o.fl.
  • Að gera grein fyrir almennum væntingum HA til nýnema

Ekki hika við að nýta þér tækifæri til að kynnast háskólaumhverfinu. Reynslan sýnir að þátttaka á nýnemadögum auðveldar stúdentum að hefja nám; þau eru fljótari að kynnast samnemendum sínum, vinnuumhverfi, starfsfólki og húsnæði HA. Fyrstu kennslustundirnar hefjast að loknum nýnemamóttökum á hverju fræðasviði fyrir sig.

Upplýsingar fyrir nýnema

Nýnemum er skipt í hópa

  • Mánudaginn 23. ágúst: Nýnemadagar á Hug- og félagsvísindasviði kl. 9: Félagsvísindi, fjölmiðlafræði, kennarafræði, lögfræði, lögreglufræði, nútímafræði og sálfræði
  • Miðvikudaginn 25. ágúst: Nýnemar á Heilbirgðisvísindasviði kl. 9: Fagnám fyrir sjúkraliða, hjúkrunarfræði og iðjuþjálfunarfræði
  • Fimmtudaginn 26. ágúst: Nýnemar á Viðskipta- og raunvísindasviði kl. 10: Líftækni, sjávarútvegsfræði, viðskiptafræði og tölvunarfræði HA/HR.
  • Föstudaginn 27. ágúst: Nýnemadagur Stúdentafélags Háskólans á Akureyri- öll velkomin kl. 13

Dagskráliðir Nýnemadaga

  • Morgunhressing Stúdentafélags Háskólans á Akureyri (SHA)
  • Ávarp rektors
  • Ávarp sviðsforseta
  • Kynning SHA
  • Örkynning á námumsjónarkerfi og umhverfismála
  • Dagskrá deilda
  • Grill SHA í hádeginu
  • Námssamfélagið

 

við hlökkum til að sjá þig á nýnemadögunum!