Hlökkum til að taka á móti þér á neðri hæð háskólatorgs HÍ!
Háskóladagurinn 2024 fer fram laugardaginn 2. mars
Allir háskólar landsins standa að Háskóladeginum og er tilgangurinn að kynna fjölbreytt námsframboð sem í boði er á Íslandi. Fulltrúar Háskólans á Akureyri verða að sjálfsögðu á staðnum að kynna námsframboð háskólans á neðri hæð háskólatorgs í Háskóla Íslands.
Á staðnum geta gestir spjallað við sérfræðinga frá öllum námsleiðum grunnnáms, bæði stúdenta og starfsfólk. Einnig mun Hildur vera á staðnum til að svara öllum spurningum um skiptinám, ásamt náms- og starfsráðgjafar. Fríður flokkur stúdenta mun taka vel á móti gestum, fremst í flokki er Silja Rún kynningarfulltrúi SHA: „Ég man eftir því sjálf að koma á Háskóladaginn og drekka í mig fróðleik um spennandi námsleiðir og tækifæri sem biðu mín. Án Háskóladagsins hefði ég líklegast ekki fengið að vita af þeim öllum! Ég er mjög spennt að taka þátt í deginum núna sjálf og svo vera með svipaða stemmingu í HA í næstu viku.“
Það er um að gera fyrir alla áhugasama um háskólanám að nýta sér þennan dag og kynna sér allt framboðið!
Við tökum vel á móti ykkur - Velkomin í HA!
Háskóladagurinn á ferð og flugi
Háskóladagurinn verður síðan á Egilstöðum 7. mars og í Háskólanum á Akureyri 8. mars milli kl. 11 og 14.