Erasmus+ starfsþjálfun erlendis

Stúdentar Háskólans á Akureyri geta sótt um Erasmus+ styrk til starfsþjálfunar eða rannsóknarvinnu hjá háskólum, fyrirtækjum eða stofnunum í Evrópu.

Starfsþjálfun veitir stúdetum tækifæri til að öðlast alþjóðlega starfsreynslu, styrkja faglega hæfni og byggja upp tengslanet sem nýtist síðar á vinnumarkaði.

Lengd dvalar

Erasmus+ starfsþjálfun býður upp á mismunandi lengd dvalar:

Lengri dvöl

  • 2–12 mánuðir

Styttri dvöl

  • 5–30 dagar
  • Oft hluti af svokölluðu blended mobility (sambland af fjarnámi og staðlotu)

Doktorsnemar

  • 5–30 dagar eða 2–12 mánuðir

Starfsþjálfun eftir útskrift

Stúdentar geta farið í Erasmus+ starfsþjálfun að loknu námi.

Skilyrði:

  • Umsókn þarf að berast fyrir útskrift
  • Dvölin þarf að ljúka innan 12 mánaða frá útskrift
  • Dvölin getur verið allt að 6 mánuðir

Hvert er hægt að fara?

Hægt er að fara í starfsþjálfun til allra þátttökulanda Erasmus+.

Starfsþjálfun þarf að tengjast námi stúdentsins og deild háskólans þarf að staðfesta tengsl við námið.

Starfsþjálfun getur farið fram hjá:

  • háskólum og rannsóknastofnunum
  • einkafyrirtækjum
  • opinberum stofnunum
  • félagasamtökum
  • menningar- og menntastofnunum

Hvernig finn ég starfsþjálfun?

Stúdentar finna sjálfir starfsþjálfunarstað.

Hægt er að:

  • hafa samband beint við fyrirtæki eða stofnanir
  • sækja um í starfsþjálfunargagnagrunnum
  • nota ErasmusIntern.org
  • fylgjast með tækifærum sem Miðstöð alþjóðasamskipta vekur athygli á

Hvernig sæki ég um?

Þegar starfsþjálfunarstaður hefur verið staðfestur:

  1. Sækja um Erasmus+ styrk í Uglu
  2. Fylla út Learning Agreement for Traineeship
  3. Samningurinn þarf að vera undirritaður af: stúdent, móttökustofnun og viðkomandi deild við HA

Inngildingarstyrkir

Stúdentar geta einnig sótt um inngildingarstyrk ef þeir uppfylla ákveðin skilyrði.

Inngildingarstyrkur á við um:

  • stúdenta búsetta á landsbyggðinni
  • stúdenta með efnahagslegar hindranir
  • stúdenta sem eru innflytjendur eða börn innflytjenda
  • stúdenta með stöðu flóttafólks
  • stúdenta sem glíma eða hafa glímt við alvarleg veikindi, langvarandi veikindi eða andlegar áskoranir
  • stúdenta með líkamlega fötlun, þroskafrávik, sjón-/heyrnarskerðingu eða námshamlanir
  • stúdenta með börn undir 18 ára