Hvað er BIP?
Blended Intensive Programme (BIP) er Erasmus+ örnámskeið sem sameinar:
- fjarnám
- stutta staðlotu erlendis (oftast um 1 vika)
BIP námskeið er einstakt námstækifæri fyrir stúdenta sem geta ekki farið í langtímaskiptinám.
Í námskeiðunum eru stúdentar frá minnst þremur háskólum og þremur Erasmus+ löndum. Stúdentar geta fengið Erasmus+ styrk til að standa undir ferðakostnaði og dvöl.
Hversu margar einingar gefur BIP?
Stúdentar sem ljúka BIP námskeiði fá:
- að lágmarki 3 ECTS einingar
- sum námskeið eru 5–9 ECTS einingar
Skilyrði fyrir þátttöku
Til að taka þátt þarftu að:
- vera skráður stúdent við Háskólann á Akureyri
- hafa lokið að minnsta kosti 60 ECTS einingum (í sumum tilvikum getur verið undantekning)
- hafa nægilega ensku kunnáttu (B1 eða B2)
- taka þátt í bæði fjarnámi og staðlotu
Hvernig sæki ég um BIP?
Fylgdu eftirfarandi skrefum til að sækja um þátttöku í BIP námskeiði.
1. Finndu námskeið sem hentar þér
BIP námskeið má finna hér:
Athugaðu vel: námskeiðslýsingu, dagsetningar, ECTS einingar og inntökuskilyrði
2. Hafðu samband við deildina þína
Hafðu samband við Miðstöð alþjóðasamskipta og verkefnastjóra námsbrautar til að:
- Staðfesta að námskeiðið passi í námsáætlun
- Tryggja að einingar verði viðurkenndar
3. Sæktu um
Umsóknarferlið felur yfirleitt í sér:
- Umsókn til samstarfsskóla með aðstoð Miðstöðvar alþjóðasamskipta
- Rafræna umsókn í Uglu (hún er einnig styrktarumsókn)
- Learning Agreement for BIP
Inngildingarstyrkir
Stúdentar geta einnig sótt um inngildingarstyrk ef þeir uppfylla ákveðin skilyrði.
Inngildingarstyrkur á við um:
- stúdenta búsetta á landsbyggðinni
- stúdenta með efnahagslegar hindranir
- stúdenta sem eru innflytjendur eða börn innflytjenda
- stúdenta með stöðu flóttafólks
- stúdenta sem glíma eða hafa glímt við alvarleg veikindi, langvarandi veikindi eða andlegar áskoranir
- stúdenta með líkamlega fötlun, þroskafrávik, sjón-/heyrnarskerðingu eða námshamlanir
- stúdenta með börn undir 18 ára