Vísindaskóli unga fólksins

Vísindaskóli unga fólksins er fyrir áhugasöm og fróðleiksfús ungmenni á aldrinum 11-13 ára. Markmið Vísindaskólans er að bjóða upp á fræðandi og skemmtilega afþreyingu.

Þemu Vísindaskólans 2026:

• Góður bær og betra líf
  Hvernig virkar bæjarfélag og af hverju er frítt í strætó? Hver ræður kennarann minn? Hvernig verður góður bær betri? Hvað er frístundastyrkur? Verð og val á matnum sem við borðum – rannsóknaleiðangur.
• Kvikt og lifandi land í sól og myrkri
  Hvað er í gangi undir yfirborði jarðar? Hvað er náttúruvá? Af hverju verður sólin svört? Hvers vegna þurfum við sólmyrkvagleraugu 12. ágúst?
• Þegar þröskuldur verður hindrun, jafnrétti og mismunun
  Hvernig er að þurfa að ferðast um í hjólastól? Hvernig er að sjá ekki vini sína? Hvað er jafnrétti og hvað er mismunun? Hvenær er grín meinlaust og hvenær ekki?
• Ungmenni á norðurslóðum og barnasáttmálinn
  Hvaða eyja er stærst í heimi og hverjir búa þar? Nota krakkar á Grænlandi TikTok? Norðurslóðir og heimurinn ofan frá. Barnasáttmálinn og réttindi barna.
• Ævintýri í blómabreiðunni og hvar endar ruslið?
  Geta plöntur lifað á loftinu? Hvernig ræktum við grænmeti? Þurfum við mold til ræktunar? Skoðunarferð í náttúrunni. Endurvinnsla og nægjusemi. Flokkun frá upphafi til enda. Heimsókn í endurvinnslustöð.

Skráning

• Skólagjöld eru 35.000 kr. - hádegisverður er innifalinn í verði
• Hægt er að nýta frístundastyrk við greiðslu skólagjalda
• Skráning fer fram hér

Nánari upplýsingar

• Sjá vefsíðu Vísindaskóla unga fólksins
• Hægt er að senda tölvupóst á visindaskoli@unak.is 
• Ítarlegri fyrirspurnum svarar Dana Rán í síma 460 8906

Við hlökkum til að hitta ykkur í júní!