Háskólahátíð

Háskólahátíð 2017

Háskólahátíð er brautskráningarhátíð Háskólans á Akureyri, þar sem kandídötum er fagnað með hátíðlegri athöfn og móttöku. Síðan árið 2014 hefur athöfnin farið fram í Hátíðarsal háskólans.

Frá árinu 2018 hefur Háskólahátíð verið haldin yfir tvo daga, að jafnaði um aðra helgi í júní.

Kandídatar

Kandídatar nefnast þeir sem eru að brautskrást með háskólagráðu. Nánar um brautskráninguna og prófskírteini.

Heiðursverðlaun Góðvina

Frá árinu 2004 hafa Góðvinir heiðrað að minnsta kosti einn kandídat af hverju fræðasviði við brautskráningu. Leitað er til starfsmanna sviðsins eftir tilnefningum um nemendur sem hafa sýnt góðan námsárangur og/eða óeigingjarnt starf í þágu háskólans. Þannig er ekki aðeins góður námsárangur verðlaunaður, heldur líka frumkvæði og dugnaður, meðal annars í að kynna háskólann, efla félagslíf nemenda og sitja í hagsmunanefndum fyrir hönd nemenda.

Það er formaður Góðvina hverju sinni sem afhendir verðlaunin í formi nælu úr smiðju Kristínar Petru Guðmundsdóttur, gullsmiðs. Nælan er eftirlíking af listaverkinu Íslandsklukkunni eftir Kristinn Hrafnsson sem stendur á háskólasvæðinu og vísar til þeirrar árvekni sem einkennir gott háskólafólk.

Vefsíða Góðvina

Myndatökur

Að morgni brautskráningardags er kandídötum boðið upp á myndatöku. Myndirnar eru síðan aðgengilegar á netinu.

Heiðursgestur

Háskólinn á Akureyri hefur frá árinu 2014 leitað til þjóðþekktra einstaklinga til að ávarpa kandídata á Háskólahátíð.

Heiðursgestir Háskólahátíðar:

2025 - Bogi Ágústsson, fréttamaður
2024 - Kristín Jónsdóttir, eldjalla- og jarðskjálftafræðingur
2023 - Herra Guðni Th. Jóhannesson, forseti Íslands
2022 - Þórólfur Guðnason, þáverandi sóttvarnalæknir
2021 - Kolbrún Benediktsdóttir, varahéraðssaksóknari
2020 - Helgi Björnsson, söngvari og leikari
2019 - Vilborg Arna Gissurardóttir, ævintýrakona og pólfari
2018 - Sigríður Björk Guðjónsdóttir, þáverandi lögreglustjóri á höfuðborgarsvæðinu
2017 - Eliza Reid, forsetafrú
2016 - Stewart Wheeler, þáverandi sendiherra Kanada
2015 - Frú Vigdís Finnbogadóttir
2014 - Illugi Gunnarsson, þáverandi mennta- og menningarmálaráðherra

Háskólahátíð í tvo daga

Háskólahátíð er tveggja daga brautskráningarhátíð, á föstudegi og laugardegi. Annan daginn er brautskráð frá Heilbrigðis-, viðskipta og raunvísindasviði og hinn daginn er brautskráð frá Hug- og félagsvísindasvið. Sviðin skiptast á að brautskrá á föstudegi og laugardegi.

Bein útsending

Streymt er frá athöfnum Háskólahátíðar á Facebook-síðu háskólans. Fyrri brautskráningar eru aðgengilegar á YouTube rás HA.

Endurfundir

Góðvinir Háskólans á Akureyri efna til endurfunda í kringum Háskólahátíð. 

Vetrarbrautskráning

Vetrarbrautskráning Háskólans á Akureyri fer fram í febrúar ár hvert. Þá er fagnað kandídötum sem hafa lokið námi í október og febrúar. Fyrsta vetrarbrautskráningarathöfnin var haldin árið 2023 og markaði tímamót sem viðbót við hefðbundna vorbrautskráningu í júní.

Athöfnin er mikilvægur áfangastaður fyrir stúdenta sem ljúka námi á öðrum tímum ársins og veitir þeim verðskuldaða viðurkenningu í hátíðlegu umhverfi.