Rannsóknaþing Norðursins – NRF

Umsókn um stöðu vísindafélaga NRF

Vísindafélagar NRF eru:

• Allir sem hafa reynslu af málefnum norðurslóða, hvort sem það er úr viðskiptalífi eða stjórnsýslu – eða af öðrum vettvangi
• Rannsakendur og nýdoktorar og doktorsnemar
• Framhaldsnemar við Háskólann á Akureyri

Innan skamms verður hægt að nálgast umsóknareyðublað til að gerast vísindafélagi NRF.

Hvað felst í stöðu vísindafélaga NRF?

Vísindafélagar leiða þverfagleg verkefni áfram til árangurs og njóta til þess stuðnings hver frá öðrum og frá starfsfólki NRF.

Eflandi Samfélag

• Félagsskapurinn eflir tengsl og samstarf milli einstaklinga með þekkingu á málefnum norðurslóða
• Vísindafélagar NRF taka þátt í og njóta góðs af eflandi samfélagi. Þar sem þekkingu og reynslu er miðlað og unnið er að sameiginlegum verkefnum
• NRF stuðlar að samráði milli vísindafélaga sinna og leitast við að skapa vettvang fyrir líflegar umræður og skoðanaskipti

… með þessu móti munu Vísindafélagar NRF njóta góðs af samanlögðum styrk. Bæði við að koma á framfæri og í framkvæmd norðurslóðaverkefnum sínum.

Ávinningur

• Vísindafélagar NRF hafa aðgang að alþjóðlegu tengslaneti á sviði norðurslóðamála
• Vísindafélagar NRF hafa aðgang að stuðningi og ráðgjöf
• Vísindafélagar NRF hafa aðgang að rannsóknaaðstöðu á vegum HA
• Vísindafélagar NRF hafa aðgang að upplýsingaveitum og gagnkvæmri miðlun
• Vísindafélagar NRF hafa aðgang að fjárstyrk vegna ferðakostnaðar
• Vísindafélagar NRF geta kynnt sig og sín störf undir merkjum NRF

… með þessu móti skapast aukin tækifæri fyrir Vísindafélaga NRF til framrásar.

Hlutverk og skyldur

• Vísindafélagar NRF stuðla að og taka þátt í fræðilegri umræðu um málefni norðurslóða
• Vísindafélagar NRF auka sýnileika rannsóknaþingsins, bæði innan veggja Háskólans og utan
• Vísindafélagar NRF styðja við viðleitni rannsóknaþingsins til að sækja í erlenda og innlenda samkeppnissjóði
• Vísindafélagar NRF skulu geta þess í ræðu og riti þegar þeir taka við styrkjum í gegnum rannsóknaþingið
• Með því að taka þátt í verkefnum NRF leggja vísindafélagarnir sitt af mörkum svo Háskólinn, svið hans og deildir fái fullnægt rannsóknarskyldu sinni

… með þessu móti styðja Vísindafélagar NRF við stöðuga sókn Háskólans á Akureyri sem alþjóðlegs rannsóknaháskóla

Þátttaka í UArctic

NRF heldur utan um samskipti Háskólans á Akureyri við UArctic og þá rannsóknarhópa sem starfræktir eru innan háskólans.

Eftirfarandi starfsmenn við HA eru í rannsóknarhópum UArctic:

• Ögmundur Knútsson – Thematic Network on Arctic Fisheries and Aquaculture
• Guðmundur Alfreðsson – Thematic Network on Arctic Law
• Markus Meckle – Thematic Network on Arctic Migration
• Ásta Margrét Ásmundsdóttir – Thematic Network on Arctic Plastic Pollution
• Joan Nymand Larsen – Thematic Network on Health and Well-being in the Arctic
• Árún K. Sigurðardóttir – Thematic Network on Health and Well-being in the Arctic
• Rachael Lorna Johnstone – Thematic Network on Model Arctic Council
• Rannveig Björnsdóttir – Thematic Network on Natural Hazards
• Sigrún Sigurðardóttir – Thematic Network on Northern Nursing Education
• Edward Huijbens – Thematic Network on Northern Tourism

Arctic Yearbook

NRF tekur þátt í útgáfu á Arctic Yearbook, ásamt UArctic og Arctic Portal á Akureyri.

• Bækurnar eru aðgengilegar á vef Arctic Yearbook