Nýnemadagar

Á Nýnemadögum fer fram fræðsla um ýmislegt sem er til grundvallar háskólanámi og enginn nýnemi ætti að láta fram hjá sér fara.

Markmið Nýnemadaga er meðal annars

  • Að bjóða nýnema velkomna til starfa í HA
  • Að gefa nýnemum tækifæri á að kynnast starfsfólki og þjónustu háskólans í upphafi náms, t.a.m. tölvuumhverfi, prófareglum, bókasafni, námsráðgjöf, alþjóðasamstarfi, húsnæði o.fl.
  • Að gera grein fyrir almennum væntingum HA til nýnema

Ekki hika við að nýta þér tækifæri til að kynnast háskólaumhverfinu. Reynslan sýnir að þátttaka á nýnemadögum auðveldar stúdentum að hefja nám; þau eru fljótari að kynnast samnemendum sínum, vinnuumhverfi, starfsfólki og húsnæði HA. Fyrstu kennslustundirnar hefjast að loknum nýnemamóttökum á hverju fræðasviði fyrir sig.

Upplýsingar fyrir nýnema

Nýnemum er skipt í hópa

  • Mánudaginn 22. ágúst: Heilbrigðisvísindi kl. 9:00
    • Iðjuþjálfunarfræði, Hjúkrunarfræði og Starfsnám fyrir sjúkraliða
  • Miðvikudaginn 24. ágúst: Hug- og félagsvísindi kl. 9:00
    • Félagsvísindi, fjölmiðlafræði, kennarafræði, lögfræði, lögreglufræði, nútímafræði og sálfræði
  • Fimmtudaginn 25. ágúst: Viðskipti og raunvísindi kl. 13:00
    • Líftækni, sjávarútvegsfræði og viðskiptafræði
  • Föstudaginn 26. ágúst: Nýnemafögnuður SHA - Hringing og ratleikur kl. 13

Nánari upplýsingar síðar!