Háskólinn á Akureyri auglýsir laust til umsóknar 100% starf verkefnastjóra launa- og kjaramála. Starfið heyrir undir forstöðumann fjármála og greiningar. Æskilegt er að viðkomandi geti hafið störf sem fyrst.
Helstu verkefni og ábyrgð
Verkefnastjóri launa- og kjaramála ber ábyrgð á og sinnir allri almennri launavinnslu háskólans, ásamt því að vinna að úrlausn ýmissa mála er tengjast launa- og kjaramálum. Í því felst m.a. gerð ráðningarsamninga, stigamat starfa, utanumhald um kennslu- og rannsóknarskyldu kennara, yfirvinnu og orlof auk útreikninga á ýmsum aukagreiðslum.
Verkefnastjórinn sinnir einnig upplýsingagjöf og ráðgjöf til stjórnenda og starfsfólks og tölulegri úrvinnslu sem tengist launa- og kjaramálum. Verkefnastjórinn tekur þátt í úrlausn álitamála og endurskoðun stofnanasamninga með þátttöku í samstarfsnefndum stéttarfélaga starfsfólks og HA. Verkefnastjórinn sér um að meta störf í stoðþjónustu og stjórnsýslu og kemur að vinnu við jafnlaunavottun.
Hæfniskröfur
- Háskólapróf og/eða reynsla sem nýtist í starfi
- Góð almenn tölvukunnátta og talnagleggni mikilvæg
- Mjög gott vald á tölulegri úrvinnslu í Excel mikilvægt
- Þekking á kjarasamningum og úrvinnslu þeirra kostur
- Þekking og reynsla af launakerfi ríkisins Oracle eða sambærilegu kerfi æskileg
- Þekking á stjórnsýslulögum og starfsemi háskóla æskileg
- Gerð er krafa um framúrskarandi hæfni í mannlegum samskiptum og ríka ábyrgðarkennd ásamt þjónustulund, jákvætt og lausnamiðað hugarfar, sjálfstæði, drifkraft og frumkvæði í starfi, góða skipulagshæfileika, vönduð vinnubrögð og góða aðlögunarhæfni.
- Gott vald á íslensku og ensku, jafnt töluðu sem rituðu máli er mikilvægt.
- Gerð er krafa um vammleysi og gott orðspor.
Umsókn skal fylgja:
- Greinargott yfirlit yfir náms- og starfsferil.
- Staðfest afrit af viðeigandi prófskírteinum.
- Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.
- Tilnefna skal a.m.k. tvo meðmælendur, æskilegt er að annar þeirra sé næsti yfirmaður í núverandi eða fyrra starfi umsækjanda.
Umsóknarfrestur er til og með 19.03.2026
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í sex mánuði eftir að umsóknarfresti lýkur, sbr. 2. gr. reglna nr. 464/1996. Háskólinn á Akureyri áskilur sér rétt til að hafna öllum umsóknum.
Háskólinn á Akureyri stuðlar að jafnrétti kynjanna og hvetur öll kyn til að sækja um laus störf.
Við ráðningu í störf við Háskólann á Akureyri er tekið mið af jafnréttisáætlun háskólans og tekið er tillit til þarfar einingarinnar við ráðningu.
Starfshlutfall er 100%
Nánari upplýsingar veitir
Helga María Pétursdóttir, forstöðumaður fjármála og greiningar - helgamaria@unak.is
Sækja um starf