473. fundur Háskólaráðs

Rektor Áslaug Ásgeirsdóttir setti fund kl. 13:32.

 

Mætt voru auk hennar:

 

Bjarni S. Jónasson fulltrúi háskólaráðs

Dagmar Ýr Stefánsdóttir fulltrúi háskólaráðs

Guðmundur Kristján Óskarsson fulltrúi háskólasamfélagsins

Rakel Rún Sigurðardóttir varafulltrúi stúdenta

Sigríður Margrét Sigurðardóttir fulltrúi háskólasamfélagsins

Sædís Gunnarsdóttir varafulltrúi ráðherra

 

Forföll:

 

Lilja Margrét Óskarsdóttir fulltrúi stúdenta

Unnar Jónsson fulltrúi ráðherra

 

Einnig mætt:

 

Helga María Pétursdóttir forstöðumaður fjármála og greiningar

Sólveig Elín Þórhallsdóttir lögfræðingur rektorsskrifstofu, sem ritaði fundargerð

 

Rektor kynnti dagskrá.

 

 

Helga María Pétursdóttir sat þennan lið fundarins.

Helga María fór yfir rekstur háskólans janúar til maí. Staðan er jákvæð og útlitið nokkuð gott. Samt sem áður á enn eftir að bóka einhverjar tekjur og gjöld vegna maí.

 

 

Í ár barst metfjöldi umsókna um nám við háskólann og er aukning í öllum deildum. Alls bárust 2.336 umsóknir um nám við Háskólann á Akureyri þetta árið.

 

Rektor fór yfir fyrsta starfsár sitt við Háskólann á Akureyri. Markmið hennar fyrsta árið var að kynnast háskólanum, starfsfólkinu, bænum og stjórnkerfinu, klára stefnumótun skólans og fara að huga að framtíðinni. Hún ræddi um eflingu doktorsnáms, samstarfið við Drift og gervigreindarátak þar sem búið er að kynna drög að leiðbeinandi stefnu um ábyrga og siðferðilega notkun gervigreindar við Háskólann á Akureyri og eru drögin nú í samráðsgátt háskólans. Að baki er gefandi og skemmtilegt starfsár rektors þrátt fyrir að mygla í húsnæði háskólans að Borgum hafi tekið sinn toll, en verið er að vinna í lausnum á því máli.

 

Háskólafundur var haldinn þann 10. júní sl. þar sem kjörnir voru nýir fulltrúar háskólasamfélagsins í háskólaráð. Alls voru sex manns í framboði og hlutu eftirtaldir kosningu sem aðalfulltrúar:

Varafulltrúar voru kosnir:

 

 

Fulltrúar í stýrihópi um vinnu við mögulega sameiningu Háskólans á Akureyri og Háskólans á Bifröst komu saman á vinnufundi í Hofi 29. og 30. maí sl. Stýrihópurinn hefur sett niður verkáætlun sem miðar að því að háskólaráð Háskólans á Akureyri og stjórn og fulltrúaráð Háskólans á Bifröst taki ákvörðun um hvort af sameiningu verði, í síðasta lagi í desember 2025. Umræður sköpuðust um fjármögnun verkefnisins af hálfu stjórnvalda. Gerður hefur verið gestanámssamningur milli háskólanna sem gerir nemendum kleift að taka námskeið í báðum háskólunum strax nú í haust. Fulltrúi nemenda í háskólaráði kom á framfæri ánægju með þátttöku nemenda beggja háskóla í stýrihópnum.

 

 

 

Fleira ekki gert og fundi slitið kl. 15:41.