Rafbækur í iðjuþjálfun

Fá rafbækur lánaðar í Canvas

Stúdentar í iðjuþjálfun geta nálgast rafbækur í Canvas í gegnum Bookshelf. Þú getur fengið bók lánaða í 23 klukkustundir í senn.

Athugaðu: Aðeins þrír geta haft sömu bók að láni samtímis. Skilaðu því bókinni þegar þú hefur lokið við að nota hana svo aðrir geti fengið aðgang.

1. Finndu rafbækurnar í Canvas

   • Opnaðu námskeiðið þitt í Canvas og veldu Rafbækur iðjuþjálfun / OT textbooks í valmyndinni til vinstri
   • Þá opnast Bookshelf þar sem þú getur skoðað rafbækurnar sem eru í boði

   
   
   

2. Fáðu bók lánaða

   • Smelltu á bókina sem þú vilt lesa. Ef þú ert ekki þegar með bókina að láni geturðu valið Borrow til að fá aðgang að henni
   • Lánið gildir í 23 klukkustundir og rennur sjálfkrafa út að þeim tíma liðnum
     
     

3. Skoðaðu bækurnar sem þú ert með að láni

   • Smelltu á Borrowed items efst á síðunni. Þar sérðu hvaða bækur þú ert með að láni og hvenær lánstíminn rennur út
   • Ef þú ert þegar með bók að láni geturðu opnað hana með því að velja Open book

   
   
   

4. Skilaðu bókinni þegar þú hefur lokið lestri

   Ef þú þarft ekki lengur að nota bókina skaltu skila henni svo aðrir geti fengið aðgang.

   • Smelltu á Borrowed items
   • Finndu bókina sem þú vilt skila
   • Veldu Return

   Þú þarft ekki að skila bókinni handvirkt þegar lánstíminn rennur út. Það gerist sjálfkrafa eftir 23 klukkustundir.

Lesa og nota rafbækurnar

Bookshelf býður upp á ýmis verkfæri sem auðvelda lestur og vinnu með rafbækur. Þú getur meðal annars leitað að hugtökum, breytt útliti textans og merkt mikilvæg atriði.

1. Opnaðu bókina og flettu á milli síðna

   Þegar þú hefur fengið bók lánaða skaltu smella á Open book til að opna hana.

   Þú getur:

   • Notað Table of Contents (efnisyfirlit) til að fara á milli kafla
   • Flett á milli síðna með örvunum eða færslustikunni
   • Smellt á X við efnisyfirlitið til að loka því og fá meira pláss fyrir textann

   
   
   

2. Leitaðu að orðum og hugtökum

   Smelltu á stækkunarglerið í lestrarviðmótinu og sláðu inn orðið eða hugtakið sem þú vilt finna.

   
   
   

3. Breyttu lestrarstillingum

   Smelltu á Aa til að opna lestrarstillingarnar.

   Þar geturðu meðal annars breytt:

   • Leturstærð og leturgerð
   • Bakgrunnslit
   • Línubili

   
   
   

4. Merktu texta og taktu glósur

   Þú getur notað verkfæri Bookshelf til að merkja mikilvæg hugtök og textabrot og halda utan um glósur.

   Smelltu á stjörnuna til að skoða glósu- og merkingarverkfærin.

   Þar finnur þú meðal annars:

   • Highlighters – til að auðkenna texta
   • Bookmarks – til að merkja síður
   • Flashcards – til að búa til minnisspjöld

   
   
   

5. Breyttu tungumáli viðmótsins

   Ef þú vilt breyta tungumáli Bookshelf geturðu gert það í reikningsstillingunum.

   • Smelltu á þrjá punktana í valmyndinni
   • Veldu My Account
   • Veldu tungumál úr fellilistanum

   

Lesa rafbækur í Bookshelf-appinu

Með Bookshelf-appinu geturðu nálgast rafbækurnar þínar í síma eða spjaldtölvu. Hér finnur þú leiðbeiningar um hvernig þú setur appið upp, skráir þig inn og opnar rafbækurnar.

1. Sæktu Bookshelf-appið

   Sæktu VitalSource Bookshelf í App Store eða Google Play og settu það upp í snjalltækinu þínu.
   
   
   

2. Skráðu þig inn

   • Opnaðu appið og skráðu þig inn með HA-netfanginu þínu
   • Þú getur einnig skráð þig inn með því að skanna QR-kóðann sem birtist í Bookshelf í tölvunni
     
     
     

3. Finndu rafbækurnar þínar

   Í appinu eru tveir valkostir:

   • My Library – hér sérðu bækurnar sem þú ert með að láni
   • Explore – hér geturðu skoðað rafbækurnar sem tilheyra námskeiðinu
     
     
     

4. Opnaðu rafbók úr tölvunni í appinu

   Ef þú ert að lesa rafbók í tölvu geturðu skipt yfir í Bookshelf-appið.

   • Gakktu úr skugga um að Bookshelf-appið sé uppsett í snjalltækinu
   • Smelltu á þrjá punktana við efnisyfirlitið í Bookshelf í tölvunni
   • Veldu Read Offline
   • Skannaðu QR-kóðann sem birtist með snjalltækinu til að opna bókina í appinu