Helgi Björnsson heiðursgestur á brautskráningu 2020

Tónlistarmaðurinn og leikarinn Helgi Björnsson heiðursgestur á brautskráningu 2020
Helgi Björnsson heiðursgestur á brautskráningu 2020

Brautskráning fer fram með rafrænum hætti laugardaginn 13. júní. Þar verður brautskráningu kandídata á grunn- og framhaldsstigi fagnað. Hátíðardagskrá hefst á sjónvarpsstöðinni N4 kl. 15.00. Einnig verður henni streymt á vef N4.

Undanfarin ár hefur skapast sú hefð að heiðursgestur ávarpi kandídata. Í fyrra flutti Vilborg Arna Gissurardóttir, ævintýrakona og pólfari einlæga ræðu þar sem hún hvatti kandídata til þess að setja sér markmið og vinna hart til að ná þeim. Í ár verður það Helgi Björnsson sem mun flytja ávarp til kandídata. Helgi átti mikilvægan hlut í að sameina landann á þessum fordæmalausu tímum og því er tilvalið að hann sameini okkur öll sem sitjum við skjáinn og fögnum brautskráningu vina okkar og vandamanna.

Við hvetjum kandídata til þess að fagna með sínum nánustu og deila gleðinni með okkur með því að nota millumerkið #háskólahátíð.