Þar sem heimspeki og menntun mætast

14. október 2022 kl. 13:00-17:30

Málþing til heiðurs Guðmundi Heiðari Frímannssyni sjötugum

Þann 14. október mun málþingið Þar sem heimspeki og menntun mætast til heiðurs Guðmundi Heiðari Frímannssyni fara fram í Hátíðarsal Háskólans á Akureyri.

Guðmundur Heiðar Frímannsson prófessor markaði djúp spor á ferli sínum innan Háskólans á Akureyri. Fyrst við undirbúning stofnunar Kennaradeildar og síðar sem fyrsti starfsmaður hennar og forstöðumaður/deildarforseti í fjórtán ár. Guðmundur Heiðar kom að kennslu og umsjón námskeiða, einkum í heimspeki menntunar og siðfræði, leiddi þróunarstarf á því sviði og sinnti leiðsögn nemenda í grunnnámi, meistaranámi og doktorsnámi. Sérþekking hans og reynsla hefur komið háskólanum vel. Hann hefur verið virkur í rannsóknum og starfað í fjölmörgum fastanefndum, ráðum og tímabundnum starfshópum við háskólann. Einnig átti Guðmundur Heiðar sæti í fyrsta doktorsnámsráðinu sem skipað var 2018.

Dagskrá

13:00 Setning málþings

Birna María B. Svanbjörnsdóttir, deildarforseti Kennaradeildar HA og Bragi Guðmundsson, prófessor við Kennaradeild HA

13:10-13:30 Um heiðursmanninn og menntahugsuðinn Guðmund Heiðar

Kristján Kristjánsson, prófessor við Háskólann í Birmingham

13:30-13:45 Upphaf kennaranáms við Háskólann á Akureyri

Þorsteinn Gunnarsson, fyrrverandi rektor HA

13:45-14:00 Minni leikskólakennaranáms við Háskólann á Akureyri

Guðrún Alda Harðardóttir, fyrrverandi dósent við HA

14:05-14:20 Að starfa með og feta í fótspor farsæls deildarforseta

Anna Þóra Baldursdóttir, fyrrverandi formaður Kennaradeildar HA

14:20-14:35 Siðfræði og mannkostir Guðmundar Heiðars

Sigurður Kristinsson, prófessor við HA

14:40-14:55 „Þú veist, heimspekifuglinn flýgur bara mishátt sko, hann er þannig gerður.“ Hugleikur – samræður til náms

Jórunn Elídóttir, dósent við HA, Jenný Gunnbjörnsdóttir, sérfræðingur við Miðstöð skólaþróunar HA og Sólveig Zophoníasdóttir, aðjúnkt við HA

15:00-15:15 Borgaramennt og mannréttindi barna

Ragný Þóra Guðjohnsen, lektor við Háskóla Íslands

15:15-15:30 Fetað í fótspor: Heimspeki menntunar og siðfræði í HA

Garðar Ágúst Árnason, prófessor við HA

15:30-15:40 Þakkir fyrir hönd HA

Eyjólfur Guðmundsson, rektor HA og Elín Díanna Gunnarsdóttir, aðstoðarrektor HA

15:40-15:50 Guðmundur Heiðar Frímannsson, prófessor emeritus við Háskólann á Akureyri

16:00-17:30 Móttaka í Miðborg

Að loknu málþingi fer fram móttaka með léttum veitingum í Miðborg Háskólans á Akureyri.

Öll velkomin!